Mbi 16 persona kanë vdekur për shkak të urisë në qytetin sirian Madaja të rrethuar nga rebelët sunitë, që kur autokolonat e Kombeve të Bashkuara arritën atje disa ditë më parë, kanë njoftuar “Mjekët Pakufij”. Sipas tyre janë edhe 33 persona të tjerë në rrezik për jetën për shkak të urisë.
Drejtori i “Mjekëve Pakufij” është shprehur se situata është plotësisht e papranueshme. Sipas tij, 30 persona të tjerë kanë vdekur urie në fund të vitit të kaluar.
Në fillim të muajit janar, dy autokolona emergjente me ushqim dhe ndihma të tjera janë dërguar në Madaja, ku rreth 40 mijë persona besohet se janë bllokuar në kushte të tmerrshme, njoftojnë mediat e huaja.
