Masat e sipërmarrjes dhe novacionit të Kinës kanë krijuar shumë vende pune dhe gjithashtu një numër të madh të njësive të tregut në sektorë të ndryshëm.
Përpjekjet e vazhdueshme të Kinës në thellimin e reformave dhe hapjes dhe strategjia e saj e drejtuar nga novacioni kanë sjellë një sukses të prekshëm, tha kryeministri Li në ceremoninë e hapjes së Javës Kombëtare të Novacionit dhe Sipërmarrjes 2020 në Pekin.
Pavarësisht nga pasiguritë e sjella nga COVID-19 dhe recesioni ekonomik global, Kina ka arritur të stabilizojë ekonominë e saj dhe të arrijë një rimëkëmbje të shpejtë, në të cilën qindra miliona njësi të tregut me qëndrueshmëri të fortë kanë luajtur një rol jetik.
Falë masave të sipërmarrjes dhe novacionit të Kinës gjatë epidemisë, numri i njësive të reja të tregut dhe bizneseve është rritur me shpejtësi dhe mikrondërmarrjet, ndërmarrjet e vogla dhe ato të mesme janë shëruar më shpejt muajt e fundit, tha Li.
Kreu i qeverisë kineze theksoi se vendi do të vazhdojë të mbështesë ndërmarrjet dhe sipërmarrësit duke zbatuar politikatat përkatëse, duke përmirësuar efikasitetin dhe cilësinë e sipërmarrjes dhe novacionit.
Për më tepër, Kina do të vazhdojë të përmirësojë nivelin e hapjes dhe të krijojë një mjedis biznesi ndërkombëtar të orientuar drejt tregut dhe drejtuar nga një kornizë e shëndoshë ligjore për të lehtësuar sipërmarrjen globale dhe novacionin.
