Kreu i PBDNJ-së Vangjel Dule ka reaguar në lidhje me situatën e krijuar nga zjarret në vend, e veçanërisht në zonat minoritare. Ai ka hedhur një sërë akuzash të forta drejtuar kryeministrit Rama në lidhje me zjarret që kanë rënë në zonat e Finiqit dhe Dropullit.
Sipas Dules qeveria s’ka bërë mjaftueshëm për të shuar flakët, një politikë e mbrapshtë kjo sipas deputetit në kurriz të minoritetit grek që jeton atje.
Si argument, deputeti fitues në listën e PD-së së Vlorës shprehet se bashkitë e Dropullit dhe Finiqit janë përballur me mungesën e energjisë elektrike dhe të ujit.
“Prej një jave Bashkitë Dropull dhe Finiq në meshirën e zjarreve. Ndërprerjet e energjisë elektrike shumëorëshe. Uji i pijshëm me pikatore.
Thjesht pasojë e mungesës totale kapacitetesh, apo politika të mprapshta të mirëmenduara ndaj pjesëtarëve të minoritetit këto ditë festash?”- shprehet Dule.
