• Kontakt
  • Kreu
  • Rreth Nesh
Sunday, November 8, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Sinjali politik i ratifikimit nga SHBA me “procedurë të përshpejtuar” të marrëveshjes ushtarake me Shqipërinë

by Ylli Pata
06/08/2026 18:27
Shperndaj ne FacebookShperndaj ne Twitter

Nga Ylli Pata

Shtetet e Bashkuara të Amerikës, para dy ditësh bënë të ditur publikisht qoftë me një komunikatë të Departamentit të Shtetit, qoftë edhe me një njoftim të ambasadës amerikane në Tiranë, se Uashingtoni e ka ratifikuar marrëveshjen ushtarake me Shqipërinë.

Marrëveshje që parashikon një precedent të rëndësishëm, të parën hua në masë të madhe që SHBA i jep Shqipërisë për të modernizuar ushtrinë e saj.

Shtetet e Bashkuara, si një fuqi globale më e madhja në botë, ka në rekordin e saj, sidomos gjatë dhe pas Luftës së Dytë Botërore, shumë programe gjigande të ndihmave ushtarake.

Nuk ka asnjë shtet në botën e sotme, që ka kryer një politikë kaq massive dhe gjithëpërfshirëse që të ndihmojnë vende të tjera për tu mbrojtur nga armiqtë e tyre.

Në historinë botërore, ndihmat ushtarake kanë ekzistuar; por kanë qenë krejt ndryshe nga sot. Kur Jul Çezari shkoi në Egjipt që të ndihmonte Kleopatrën të ngjitej në fron, përdori legjionet e tij, posaçërisht të famshmen Decima Legione, që ishte praktikisht dhe garta e tij pretoriane.

Ndihmat ushtarake në botën deri para pax americana kanë qenë pushtime klasike. Ku çdo vend hynte me ushtrinë e tij për të ndihmuar aleatin në pushtet, por duke mbajtur forcat e saj ushtarake, që praktikisht e kolonizonin atë vend.

Edhe osmanët nuk qeverisnin vetë territoret e Perandorisë. Vendosnin qeveritarë vendas, të cilët çonin në Portën e Lartë sasinë e planifikuar të taksave, apo edhe ushtarë në raste kur sulltanit i duhej për një luftë të caktuar.

Sulltani, të gjitha territoret e Perandorisë i kishte pronë të tij, të ardhurat e të cilave i ndante sipas rregullave që nuk ishin gjithmonë fikse por ndryshoheshin sipas periudhave e situatave.

Pas Luftës së Dytë Botërore gjërat ndryshuan, kur edhe bota u nda në dy kampe, në dy aleanca politike e ushtarake. Ku mbrojtja u bë kolektive, por jo gjithkund e jo tamam.

Pasi Bashkimi Sovjetik nuk e pati problem të hynte me tanke në dy vende aleate si Hungari e Çekosllovaki, apo amerikanët nuk ndaluan dot Turqinë në 1974, kur kryeministri socialist Bylien Elçevit urdhëroi operacionin “Atila” të pushtimit të veriut të Qipros.

SHBA është vendi i parë që ka dhuruar, apo ka dhënë hua për të furnizuar ushtritë e vendeve me të cilët ka marrëdhënie. Egjipti për shembull, që në periudhën përpara marrëveshjes së Camp David-it furnizohej ekskluzivisht me armatim sovjetik, tashmë jo vetëm që mbrohet nga armë amerikane, por SHBA i jep çdo vit një ndihmë kolosale prej më shumë se 100 miliard dollar në vit. Njëjtë SHBA e bën me Izraelin, apo shumë vende të tjera në botë, e natyrisht tek aleatët e saj të NATO-s, aleancën më të rëndësishme për shtyllën gjeopolitike të Perëndimit.

Shqipëria është një vend i vogël, i cili si anëtar i NATO-s nuk e ka aspak problem që të merret përsipër të mbrohet nga forcat amerikane dhe aleate. Mjafton të kujtohet çlirimi i Kosovës, kur Amerika hyri në luftë për të shpëtuar shqiptarët, duke përdorur makinerinë më të madhe në glob për nga forca dhe teknologjia. Makineri që ka marrë miliarda e miliarda, për të cilat shqiptarët nuk dhanë asnjë cent as atëherë e as sot.

Megjithatë, sot në një stad të ri të politikës dhe zhvillimeve ndërkombëtare, SHBA ka vendosur që të ndihmojë me një hua shtetërore modernizimin e ushtrisë shqiptare, për të modernizuar kapacitetet dhe arsenalet e saj.

Ky akt nuk është aspak një operacion taktik apo lëvizje e Pentagonit, do të thotë një vendim në lëmin ushtarak.

Marrëveshje është një lëvizje e pastër politike, me të cilën administrata e Donald Trumpit po konturon marrëdhëniet e saj me aleatët, në këtë rast një të vogël fare si Shqipëria.

Vend i cili është sa një shtet i vogël i SHBA. Jo më kot mediat e ndryshme amerikane, kur flasin për ne, bëjnë një krahasim se Shqipëria është pak a shumë sa Meryland-i. Një shtet i vogël në Bregun Lindor të Shteteve të Bashkuara.

Një shtet me kapacitetin, fuqinë e mundësitë si ne, një relacion të një niveli të lartë me superfurqinë e botës duhet ta konsiderojë jetike, strategjike dhe të rëndësishme.

Duke u kthyer tek debati politik në Tiranë mbi marrëveshjen ushtarake me SHBA, kemi një qëndrim të fortë të Partisë Demokratike, e cila këtë marrëveshje e ka kontestuar në Gjykatën Kushtetuese. PD ka deklaruar se këtë nuk e ka bërë ngaqë është kundër marrëveshjes, por sepse nuk pranonte procedurën e miratuar me “procedurë të përshpejtuar”.

Por ç’ndodhi pas këtij akti: SHBA e ratifikoi marrëveshjen po “me procedurë të përshpejtuar”. Ky nuk është gjë tjetër veçse një akt politik i qartë si drita e diellit.

Sqarimin dhe elaborimin e të cilit, sipas të gjitha gjasave do ta trajtojë publikisht e zyrtarisht nga A deri te Zh-ja ambasadori i sapo ratifikuar nga Senati amerikan, Gjenerali Eric Wenndt. i cili si i dërguar i Presidentit dhe i udhëzuar nga DASH do ta zgjerojë gamën politike të vendimeve amerikane me detaje.

Siç kanë bërë gjithmonë parardhësit e tij, nga Ryerson te Yuri Kim. Pa gjuhë të drunjtë por shkurt e shqip.

Next Post
Kasetofoni që u kthye në masakër! Zbardhet dosja e Hoxhës: Pas dy vëllezërve vrau edhe gruan e tij 19-vjeçare

Kasetofoni që u kthye në masakër! Zbardhet dosja e Hoxhës: Pas dy vëllezërve vrau edhe gruan e tij 19-vjeçare

Leave a Reply Cancel reply

Your email address will not be published. Required fields are marked *

TË FUNDIT

FOTO/ Policia identifikon 17-vjeçarin që dyshohet se hodhi gurë drejt Kryeministrisë

FOTO/ Policia identifikon 17-vjeçarin që dyshohet se hodhi gurë drejt Kryeministrisë

November 8, 2026
Skënderbeu mposht Dinamon 2-0 në Korçë

Skënderbeu mposht Dinamon 2-0 në Korçë

November 8, 2026
Aksident dramatik dhe i i shumëfishtë pranë nyjes lidhëse të autostradës Durrës-Tiranë, makina përmbyset pas përplasjes së tri mjeteve

Aksident tragjik në Durrës, 26-vjeçarja përplas për vdekje këmbësorin

November 8, 2026
“E di se akuzat i ka shumë të rënda”, Minxhozi: Meta po përpiqet ta bëjë historinë e tij sa më të vështirë

Dy protesta që i morën frymën njëra-tjetrës

November 8, 2026
9 elektricistë humbën jetën në punë gjatë vitit 2026, alarm për sigurinë e punonjësve të energjisë

9 elektricistë humbën jetën në punë gjatë vitit 2026, alarm për sigurinë e punonjësve të energjisë

November 8, 2026
Hapja e listave/ “Të gjithë të barabartë”, Kume: Vendimi i Kushtetueses, shuplakë që iu jepet ligjvënësve!

Kume: Të bëhet reformë zgjedhore konkrete, jo të bëjnë sikur punojnë!

November 8, 2026
Rezistenca ndaj antibiotikëve alarmon ekspertët, 35 mijë viktima çdo vit në BE, rrezikohen 39 milionë jetë deri në 2050

Rezistenca ndaj antibiotikëve alarmon ekspertët, 35 mijë viktima çdo vit në BE, rrezikohen 39 milionë jetë deri në 2050

November 8, 2026
Irani i dërgon mesazh SHBA-së: Zgjidhni fundin e luftës ose përballjen ushtarake!

Irani i dërgon mesazh SHBA-së: Zgjidhni fundin e luftës ose përballjen ushtarake!

November 8, 2026
Pr.buxheti 2027/ PBB-ja kalon 30 mld €, ekonomia rritet me 3.9%, të ardhurat për frymë arrijnë në 12,886 € në vit

Pr.buxheti 2027/ PBB-ja kalon 30 mld €, ekonomia rritet me 3.9%, të ardhurat për frymë arrijnë në 12,886 € në vit

November 8, 2026
Të gjithë shpresat tek Erioni

Përse po protestohet anë e kënd Europës?

November 8, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In