Nga Ylli Pata
Në një mjedis të ngarkuar me traumën e tragjedisë së tërmetit të 26 nëntorit, duket se ka sinjale të fort politike për një bashkëpunim të ri mes mazhorancës dhe opozitës.
Pas sinjaleve të para të Edi Ramës drejtuar Lulzim Bashës për një bashkëpunim në situatën emergjente, kryeministri duket se ka thelluar këtë ofertë edhe në një zhvillim të ri që u vu re dje në Parlament.
Edhe pse Rama nuk e tha troç, në një farë mënyre ai pranoi disa nga kushtet e opozitës, e cila kërkoi pezullimin e PPP-ve.
Në një deklaratë nga mbledhja e qeverisë, kryeministri përmendi konçensionet që nuk preken dhe që kanë nisur që para 2017-s që janë ata të shëndetësisë si Check up-I, sterilizimi e dializa, shtuar edhe Rrugën e Arbrit, duke mos përmendur të tjerat ku hyjnë Unaza apo edhe Teatri, çka duket hapur që është një sinjal i rëndësishëm drejtuar Lulzim Bashës që ky i fundit të rihyjë në sistemin politik pas daljes flagrante të shkurtit të këtij viti.
Dhe pikërisht këtë Rama e përforcoi edhe në seancën e Kuvendit, kur nuk kurseu si asnjëherë sulmet ndaj opozitës së re që pranoi mandatet pas djegies që bëri Basha e Kryemadhi, duke u vendosur mes dy zjarreve.
Pikërisht ky sulm i Ramës, u duk se ishte pjesë e sinjaleve që duket se po i hidhen kreut të opozitës që ky i fundit të bëhet gati për të hyrë në sistem, por që duket edhe nga situata post katastrofës që ka përqendruar vëmendjen nuk kanë rënë në sy…
TemA
