Edhe pse njëri po relaksohet në plazh dhe tjetri po ndjek me vëmendje votimet, por Kryeministri dhe Presidenti i kanë dërguar sinjale njëri –tjetrit gjatë kësaj të diele ku duket se mendojnë njësoj “30 qershori është ditë historike”.
Të dy nuk mundën të ulen në një tryezë dialogu për të gjetur një zgjidhje të krizës politike me presidentin që ndryshonte dekretet dhe me kryeminsitrin që ishte i vendosur për zgjedhjet e 30 qershorit ku do të zgjidhen 61 kryebashkiakët të rinj, me opozitën që vendosi të mos merrte pjesë.
Kryeministri zgjodhi ta niste edhe këtë të dielë me disa momente relaksi në hotelin, ku shkoi edhe ditën kur Meta e priste në zyrë për të nisur një dialog për zgjidhjen e krizës.
Ndërsa pak momente më pas ai postoi një video, ku shfaqej i biri Zaho, duke luajur me një lepurush dhe një qen pranë tyre.
E ndërsa kryeministri i çoi sinjale nga Surreli si për t’i thënë Kreut të Shtetit dhe opozitës se cdo gjë shkon vaj edhe pa pjesëmarrjen e tyre në votime.
Më pas kryeministri surprizoi me veshjen e tij teksa votoi bashkë me Lindë në Surrel, duke e quajtur 30 qershorin, e diel historike.
“Jam i bindur se sot në Shqipëri po ndodh diçka historike dhe është një mësim që nuk do të harrohet kurrë nga asnjë parti politike e asnjë politikan dhe kurrë më interesat e një pale, apo hesapet e politikës nuk do të mund të bien ndesh interesit të madh kombëtar, dhe hesapeve të popullit për të pasur një shtëpi të përbashkët për fëmijët tanë”, tha Kryeministri.
Presidenti kishte një tjetër pergjigje për të. Meta ka publikuar një foto nga plazhi, ku shfaqet së bashku me zëdhënësit e tij, Tedi Blushi.
“Sot me Blushin tim duke shijuar këtë të dielë historike plot diell dhe muzikë”.
Si kryeministri ashtu edhe presidenti nuk kanë qenë në një mendje për datën e zgjedhjeve dhe gjatë kohës ka pasur akuza, letra, mesazhe po vetëm takime nuk kapasur me të dyve. Por se si do të vazhdoj situata politike me opozitën që është jashtë parlamentit dhe që kërkonë zgjedhje pa Edi Ramën mbetet për tu parë pas datës 1 korrik.
g.kosovari
