Depresioni është një sëmundje serioze mendore që prek miliona njerëz në mbarë botën. Në kundërshtim me besimin popullor, simptomat e depresionit nuk janë të kufizuara në ndjenjat e trishtimit. Në fakt, sëmundja përfshin një gamë të gjerë të simptomave – disa nga të cilat janë përshkruar më poshtë – të cilat ndikojnë negativisht në jetën e përditshme.
“Në vitin 2014, rreth 15.7 milion të rritur të moshës 18 ose më të vjetër në Shtetet e Bashkuara, kanë pasur të paktën një episod depresiv madhor. Ky numër përfaqëson 6.7% të të gjithë të rriturve të SHBA-së. “-sipas Institutit Kombëtar të Shëndetit Mendor.
Ndjenja e dëshpërimit, pavlefshmërisë dhe pafuqisë: Personi që vuan nga depresioni nuk mund të mendojë në mënyre racionale. Shpesh e fajëson veten për të gjitha situatat e këqija. Te depresioni i lehtë të pranishme janë ndjenja të ngjashme, por dukshëm më pak ekstreme.
Paaftësia e të menduarit pozitiv: Si dhe ndjena që humbet kontrolli ndaj të gjitha situatave dhe vendimeve janë shenjat e para të depresionit. Nëse ai person shpesh thotë që nuk ka shumë mundësi, fat dhe se ndihet i padobishëm dhe i pakuptimtë, gjithsesi ka nevojë për ndihmë profesionale. Këto simptoma shumë shpesh bëhen edhe më intensive dhe personi fillon t’i kujtojë të gjithë gabimet e bëra në të kaluarën, për çka vazhdimisht e fajëson veten.
Humbja e interesit: Personi nuk ka interesim për aktivitetet të cilat e kanë përmbushur më herët siç janë ushtrimet, gatimi, leximi, shikimi i televizorit ose shëtitja. Mund të fillojë të refuzojë çfarëdo aktiviteti, të dalë nga shtëpia ose të takohet me miqtë ose anëtarët e familjes. Po ashtu disa njerëz depresivë humbin interesimin për seks, ndërsa për njerëzit e tjerë depresivë seksi është si ikje nga problemet, në mënyrën e njëjtë në të cilën njerëzit depresivë kthehen nga alkooli dhe droga.
Lodhja kronike dhe mungesa e energjisë: Lodhja dhe mungesa e energjisë mund t’ju ndodhë të gjithëve, por nëse pa arsye të fortë zgjat më shumë se 2 javë, në pyetje është një problem më i madh. Njerëzit depresiv, që nuk tregojnë shqetësim dhe parehati, më së shpeshti vuajnë nga javashllëku dhe dembelia e shtuar. Personi i ngadaltë shpesh ankohet që është joproduktiv dhe ka mungesë të energjisë. Lodhja kronike është problem serioz i shpirtit dhe trupit. Disponimi i keq dhe mungesa e motivimit janë dy forca që fuqizohen kur janë të pranishme njëkohësisht.
Shqetësimi konstant dhe nervozizmi: Disa njerëz që vuajnë nga depresioni shpesh janë në ndonjë mënyrë hiperaktivë, nervozë dhe të paqetë. Nëse vëreni që personi i afërm për një periudhë më të gjatë ka shpërthime në temperament, shpesh është nervoz, ulet dhe çohet i shqetësuat, gjithsesi provoni ta ndihmoni. Personi depresiv shumë shpesh i zmadhon të gjitha problemet. Kjo shenjë nuk është vetëm një nga të metat, nuk është vetëm pesimizëm, por rruga drejt shqetësimit dhe parehatisë konstante./Shëndeti
