Lulzim Basha ka qenë sërish tek “Astiri” në takim me dhjetëra protestues.
Ai u shpreh entuziast për qëndresën ndërsa përsëriti të njëjtat akuza për qeverinë.
“Këtu nuk ka projekt zhvillimi, por projekt vjedhjesh. Ky projekt do të shkaktojë varfërim për buxhetin dhe qytetarët. Një grush hajdutësh duan të vjedhin sëbashku me Again e Surrelit” – tha kreu i PD.
Basha tha se PD do të jetë në krah të banorëve protestues deri në fund. Sipas tij, Edi Rama dhe Erion Veliaj kanë bërë çdo gjë për t’i përçarë ata.
Sikurse ndodh në çdo kauzë qytetare, Basha nuk harroi ta politizonte edhe protestën e sotme të studentëve.
“Kundër vjedhjes janë bashkuar edhe studentët në revoltë qytetarë anembanë. Kam një mesazh: Studentët të mos dorëzohen sikurse banorët e Unazës” – tha Lulzim Basha.
Më herët edhe LSI, shprehu mbështetje për studentët pavarësisht se këta të fundit kërkuan gjatë gjithë protestës që politikanët t’u qëndrojnë larg.
/A.Rada
