Presidenti Ilir Meta ka përkujtuar 101 vjetorin e Kongresit të Lushnjës ku u morën vendime të rëndësishme aps shpalljes së Pavarësisë, ku me sa duket nuk i ka “shpetuar” ngutjes per te dhene nje mesazh ‘te koduar’ ne 10 vjetorin e vrasjes se 4 demonstruesve te opozites ne mes te bulevardit me 21 janar 2011.
Teksa ka qendruar per here te pare ne Shqiperi me 21 janar qe nga vrasja perballe kryeministrise kur i cilesoi protestuesit “kokepalare”, Meta citon vargjet e popullit per Kongresin e Lushnjes “…Sikur tym e flakë të dal nga faqe e dheut/ Shkrepëtim të bjerë e flakë/ Bëj detyrën që ke kundrejt Atdheut/ Mos kurse as shpirt as gja”!
Postimi i plotë i Metes:
Uniteti rreth çështjes kombëtare, mblodhi 101 vjet më parë në Lushnjë, apostujt e shqiptarisë, për të marrë vendimet më të rëndësishme pas shpalljes së Pavarësisë, për mbrojtjen e tërësisë territoriale, sovranitetit dhe rimëkëmbjes së shtetit modern shqiptar.
Vetëm disa ditë iu deshën burrave të ndritur të kombit, që të bashkuar në Kongresin e Lushnjës, të garantonin pavdekshmërinë e shtetit, të ndërtonin një Parlament dinjitoz e të ligjshëm, të nxirrnin akte kushtetuese efikase, të zgjidhnin një Qeveri të përgjegjshme, të vendosnin ligjin në të gjithë territorin dhe të prezantonin me dinjitet Shqipërinë përpara botës.
Nëse nuk do të ishte ky Kongres, edhe Pavarësia e Shqipërisë do të ishte venitur.
Nderim përjetë burrave të kombit, që hodhën themelet e shtetit modern shqiptar, të pavarur dhe sovran, vepra e të cilëve u përjetësua në vargjet përherë aktuale:
“Atdheu ty po të thërret,
Ta shpëtosh ti nga kjo natë.
Sikur tym e flakë të dal nga faqe e dheut,
Shkrepëtim të bjerë e flakë,
Bëj detyrën që ke kundrejt Atdheut,
Mos kurse as shpirt as gjak.”
/a.r
