Sigurimi i automjeteve: Ja kategoritë që paguajnë më pak
Sistemi i ri i sigurimit të detyrueshëm të automjeteve, pritet të fillojë zbatimin në Janar 2016, pas miratimit të ligjit në Kuvend në muajin Shtator.
Ligji penalizon me rritje të sigurimit drejtuesit e automjeteve që kryejnë aksidente dhe favorizon ata që kanë një historik të pastër.
Ndërkohë, që përmban edhe një sërë elementësh të tjerë mbi të cilët llogaritet primi i sigurimit. Tashmë infrastruktura është e ngritur dhe ligji i ri do të shmangë abuzimet në treg si dhe do të rrisë konkurrencën mes kompanive. Në shumë shtete europiane ky sistem funksionon prej vitesh dhe ka treguar që është efikas në uljen e numrit të aksidenteve, duke bërë që për shkak të kostove, drejtuesit e automjeteve të jenë më të kujdesshëm në rrugë.
