Në takimin me operatorët e biznesit të ushqimit, ministri i Bujqësisë dhe Zhvillimit Rural Bledi Çuçi prezantoi paketën e ndryshimeve ligjore që ndalon abuzuesit me produktet në treg.
Ministri Çuçi mori shembullin e abuzimit me një produkt shumë të rëndësishëm siç është gjalpi dhe një pjesë e tregut produktin e njohur si margarina që shitet përgjithësisht pa markë, shitet si gjalp. Ministri tha se nuk do tolerohet asnjë abuzues që tenton të mashtrojë konsumatorin shqiptar për qëllime përfitimi:
‘Kodi Penal do hyjë shumë shpejt në fuqi, do votohet në parlament, do ndëshkojmë çdo abuzues që me koshiencë e bën pjesë të një skeme përfitimi të paligjshëm të pamoralshëm në kurriz të konsumatorëve’.
Ministri Çuçi përcolli disa mesazhe, duke filluar që nga strukturat që ka ministria në përgjegjësi, të gjithë inspektorët dhe kontrolluesit e sigurisë ushqimore për të cilët tha:
‘Jo vetëm do ikin nga puna , por kush bëhet pjese e skemave do ndiqen penalisht . Operatorët e biznesit ushqimor, ajo pjesë e shëndoshë që është përpjekur të ngrejë nivelin e standardit ne nivele pëerëndimore të bëhen pjese e kësaj beteje se është në shpërblim të djersës së tyre, dhe përpjekje të të gjithë këtyre viteve’.
Apeli për të gjithë abuzuesit nga ministri:
Apel për të gjithë abuzuesit; që nuk do kursejmë asnjë ndëshkim administrativ, financiar që të ndëshkohen e mos tu shkojë më mëndja të hyjnë më fare në treg e jo më të abuzojnë.
Mesazh për grupet e interesit të konsumatorit ti bashkohen betejës sonë të na ndihmojnë me sa më shumë denoncime dhe sigurisht mirëpresim çdo denoncim që vërtet përbëjnë probleme dhe na çojnë drejt e tek fenomeni dhe mesazh për shqiptarët: Denonconi pa frikë çdo rast që ata përballen me cenimin e sigurisë të tyre si konsumatorë.
g.kosovari
