Policia Rrugore e Durrësit ka vijuar me kontrollet e përforcuara në rrugë për ndëshkimin e shoferëve që bëhen burim aksidentesh.
Të paktën 20 persona janë arrestuar për shkelje të ndryshme.Nga të arrestuarit, 6 prej tyre po drejtonin mjetin nën ndikimin e alkoolit, ndërsa 14 të tjerë nuk kishin leje drejtimi.
Gjithashtu nga ana e policisë janë vendosur 842 masa administrative për shkelje të ndryshme dhe 48 leje drejtimi janë pezulluar.
Masat:
• janë ndëshkuar 193 drejtues mjetesh për përdorim të celularit gjatë drejtimit të mjetit;
• janë ndëshkuar 180 drejtues mjetesh për parakalim të gabuar;
• janë ndëshkuar 53 drejtues mjetesh për mospërdorim të rripit të sigurimit.
Aksioni:
Vijon zbatimi i planit të masave nga Specialistët e Qarkullimit Rrugor Durrës për kontrollin e drejtuesve të mjeteve që konsumojnë pije alkoolike dhe drejtojnë mjetet pa qenë të pajisur me leje drejtimi.
Qëllimi i këtyre kontrolleve është parandalimi i aksidenteve rrugore dhe rritja e parametrave të sigurisë rrugore.
Vetëm në fundjavë si rezultat i kontrolleve në të gjithë akset rrugore të qytetit të Durrësit janë arrestuar në flagrancë 20 shtetas, 6 prej të cilëve për drejtim mjeti nën ndikimin e alkoolit dhe 14 shtetas për drejtim mjeti pa leje drejtimi.
Janë proceduar penalisht 3 shtetase për kundërshtim të punonjësve të policisë, ku drejtuesja e mjetit ishte edhe nën ndikimin e alkoolit.
Janë vendosur 842 masa administrative për shkelje të ndryshme dhe pezulluar 48 leje drejtimi.
• janë ndëshkuar 193 drejtues mjetesh për përdorim të celularit gjatë drejtimit të mjetit;
• janë ndëshkuar 180 drejtues mjetesh për parakalim të gabuar;
• janë ndëshkuar 53 drejtues mjetesh për mospërdorim të rripit të sigurimit.
Gjatë fundjavës nga ana e Specialistëve të Qarkullimit Rrugor është mundësuar menaxhimi i trafikut rrugor për shkak të rritjes së fluksit të pushuesve.
Drejtoria Vendore e Policisë Durrës këshillon çdo përdorues rruge që të respektojnë rregullat e qarkullimit rrugor duke eleminuar çdo shkak që shërben si burim aksidenti.
Kontrolle të tilla nga ana e Punonjësve të Qarkullimit Rrugor do të vazhdojnë edhe në ditët në vijim dhe fundjavë./a.m.
