Në një kohë që jetë njërëzish po ikin nga aksidentet që ndodhin në rrugët e Shqipërisë ne aksin nacional Kavajë-Rrogozhinë efektivët e policisë janë kthyer në punonjës të ngarkim shkarkimit për të larguar kalesat e improvizuara nga banoret. Ndërkohe që është detyre e Autoritetit rrugor dhe Bashkise Rrogozhinë që të kujdesen për rrugën.
Policia e qarkullimit rrugor po heq kalesat e improvizuara ne aksin nacional Kavaje-Rrogozhine.
Përgjatë 20 km të aksit rrugor gure dhe blloqe betoni jane vendosur nga banoret per te kaluar nga njeri krah i autostrades ne tjetrin.
Një problem tjetër është edhe ndërprerja e barrierave anësore në hyrje të çdo biznesi. Por Autoriteti Rrugor nuk shihet të veprojë për të mbyllur mbrojtëset e rrugës. Punën e tyre dhe të bashkiakëve po mundohet ta bëjë policia e qarkullimit rrugor të Kavajës.
Bashkë më kalesat e impozvizuara janë larguar edhe shitësit ambulantë të cilët tregtojnë në karrexhatët anësore të autostradës.
Për këta të fundit policia rrugore e Kavajes, i ka derguar nje shkrese zyrtare bashkise Rrogozhine që të marrë masa per zhvendosjen e tyre nga autostrada pasi edhe tregtarët bëhen shkak për aksidente të ndryshme. (abcnews / r.a)
