Një vajzë e re 25-vjeçare është shpallur në kërkim nga Policia e Shtetit me akuzën e shfrytëzimit për prostitucion. Shtetasja me inicialet D.K. nga qyteti i Korçës ka shfrytëzuar një vajzë të mitur të moshës 15-vjeçare. Shfrytëzimi i vajzës së mitur u zbulua nga Policia e Korçës pas disa sinjalizimeve për aktivitetin e jashtëligjshëm në një motel të qytetit. Pasi shoqëroi vajzën e mitur, nën prezencën e psikologut, policia siguroi edhe dëshminë e saj e cila nxori emrin e tutores.
Vajza tha para hetuesve se “gjithçka e kishte bërë me dëshirën e vetë pasi donte të fitonte para”. Po ashtu ajo tha se tutorja e kishte ndihmuar të gjente klientët dhe se i ndanin paratë bashkë.
Policia dyshon se tutorja e shpallur në kërkim, ka rekrutuar në të shkuarën edhe vajza të tjera të mitura që ishin në vështirësi financiare. Aktualsiht po punohet për ndalimin e saj dhe zbulilmin e bashkëpunëtorëve të tjerë të mundshëm. Nuk dihet ende se sa mund të jetë numri i minoreneve që kanë rënë në rrjetën e këtij grupi.
Si u zbulua shfrytëzimi i 15-vjeçares
Vajza e mitur ishte larguar nga banesa e saj prej dy ditësh. Nuk dihen ende rrethanat se si u largua, por policia dyshon se e mitura është konfliktuar me familjarët. Po ashtu, në largimin e saj kanë ndikuar edhe mashtrimet e tutores e cila i mbushi mendjen “për një jetë më të mirë”, dhe e bindi të prostituoj kundrejt pagesës me shuma të mëdha. Pasi u largua ngna banesa, vajza e mitur u çua në një motel nga tutorja 25-vjeçare, ku qëndroi për dy ditë. Aty vajza për gjatë kësaj periudhe kreu marrëdhënie seksuale me disa klientë për shuma të ndryshme parash. Klientët i gjente 25-vjeçarja, e cila pasi merrte paratë, një pjesë të vogël ja jepte minorenes që prostituonte./Javanews
