Një shtetase me banim në zonën e Laknasit në Tiranë ka përjetuar një histori ankthi duke u vënë në qendër të kërcënimeve të një personi që i kërkonte seks në mes të rrugës. Ngjarja ka ndodhur teksa gruaja në moshë të re, me inicialet A.C. kishte dalë nga banesa e saj dhe po ecte përgjatë rrugës së Laknasit. Por ajo që ishte një prej rrugëve rutinë të gruas në jetën e përditshme, u kthye në makth ditën kur i del para shtetasi me inicialet N.V. Ky person, teksa udhëtonte me automjetin e tij, fillon të ofendojë dhe t’i kërkojë seks gruas.
Teksa has në kundërshtinë e saj, ai fillon ta shajë dhe ofendojë. Madje nis ta kërcnëojë për të pranuar që të bëjnë seks së bashku. E gjendur në këtë situatë, gruaja telefonin bashkëshortin i cili e këshillon të shkojë në një vend të sigurt dhe të telefonojë policinë. Por personi që e kërcënonte zbriti nga makina dhe e kapi me forcë, në këtë moment gruaja e godet me pëllëmbë dhe bërtet për ndihmë.
Ky shtetas largohet menjëherë, por arrestohet më pas nga policia. Pas hetimeve të kryera, prokuroria vërtetoi autorësinë e shtetasit N.V. i cili pranoi krimin e kryer duke shprehur pendesë. I pandehuri u gjykua me procedurën e gjykimit të shkurtuar dhe në fund u dënua me 6 muaj burg për veprën “ngacmim seksual”.
Ngjarja, si u kërcënua për seks në mes të rrugës gruaja
Shtetasja A.C., ndersa po qarkullonte si kembesore ne rrugen e Laknasit, i eshte afruar automjeti me targa (***), i drejtuar nga i pandehuri N.V.. Ky i fundit ka ngulmuar qe ajo te hipte ne makinen e tij madje duke ju drejtuar asaj me fjale fyese e te padeshirueshme te natyres seksuale. Ajo ka refuzuar dhe ka vazhduar rrugen ne kembe. I pandehuri N. ka filluar t’a shoqeroj me makine duke ecur ngadale duke e bere ate te ndihet e frikesuar.
Shtetasja A.C., ka komunikuar me bashkeshortin e saj i cili e ka keshilluar qe te merrte targat e makines dhe te shkonte ne nje ambjent te sigurte, lokal. Ndersa e demtuara vazhdonte te ecte ne kembe duke mos ju pergjigjur fjaleve fyese e poshteruese te te pandehurit, ky i fundit ka ndaluar makinen dhe i eshte afruar duke e kapur nga krahu dhe propozuar qe te kryente marredhenie seksuale me te duke i krijuar nje mjedis kercenues. E demtuara e fyer nga kjo sjellje e te dyshuarit e ka qelluar ate me pellembe dhe ka thirrur per ndihme. I dyshuari ka tentuar t’a qelloj dhe ka filluar te fyej ne adrese te saj. E demtuara eshte futur ne nje lokal ku ka pritur bashkeshortin e saj ndersa shtetasi N. V. eshte larguar. Me te ardhur bashkeshorti i saj, shtetasi B. L., te dy se bashku jane paraqitur ne ambjentet policore duke bere edhe kallzimin perkates.
/Javanews/a.m.
