Një ditë më parë gjykata britanike ka dhënë vendimin për bandën e shqiptarëve dhe trafikantëve të tjerë të huaj, që përmbytën Birminghamin me kokainë dhe heroinë, duke i dënuar me 130 vjet burg gjithsej.
Të udhëhequr nga 25-vjeçari shqiptar Asmirald Miraka, trafikantët kanë importuar në Britani drogë të klasit A me vlerë miliona euro.
Miraka dhe tre korrierët e tij shqiptarë e drejtonin trafikun nga Birmingham dhe përdornin makina të përshtatura posaçërisht për të transportuar kokainë dhe heroinë rreth qytetit Wolverhampton dhe Nottingham.
Sipas autoriteteve nga korriku i 2015 deri në janar të këtij viti grupi ka mundur të shes në miliona paund drogë. Gjatë operacionit të arrestimit të tyre policia ka bllokuar kokainë dhe heroinë me vlerë 1,5 milionë paund.
Miraka kishte tre shqiptarë të tjerë të besuar që kontrollonin shpërndarjen e drogës. Bëhet fjalë për Desar Asllani, Arjol Cërriku dhe Aleks Asllani, të cilët ishin në mënyrë të paligjshme në Britani të Madhe.
Dënimet për 4 shqiptarët:
Asmirald Miraka, 16 vjet e tre muaj burg, Desar Asllani, 10 vjet e nëntë muaj burg, Aleks Asllani, 10 vjet e nëntë muaj burg, Arjol Cërriku, 10 vjet e nëntë muaj burg.
Dënimet për ë huajt:
Adam Whiteley, 8 vjet burg, Shazad Ali, 15 vjet burg, Zarak Khan, 15 vjet burg, Shabaz Ali, 15 vjet e 5 muaj burg, Levi Watson, 7 vjet burg, Richard Chapman, 5 vjet burg, Clayton Stephenson, 8 vjet burg, Kieran Samuels, 6 vjet burg, Aaron Clemenson, 5 vjet burg./noa.al/a.k