Si të shikoni Champions League pa pagesë
Ekziston një mënyrë se si ju mund të ndiqni ndeshjet e Champions League pa pagesë, vetëm falë një antene satelitore.
Përballjet e këtij kampionati do të transmetohen nga kanali gjerman ZDF. Ndeshja e parë e transmetuar ishte Bayern Leverkusen – Lazio.
Fillimisht mendohej se, ZDF bleu vetëm këtë përballje, por ky kanal mësohet se do të transmetojë dhe ndeshjet e tjera. Ky fakt ka shkaktuar konflikte mes mediave në Itali, duke hapur çështjen ZDF. Mediat italiane shkruajnë se ZDF po i vjedh të drejtat platformës dixhitale, Premium, në pronësi të Mediaset.
Por kanali gjerman ka njoftuar se do të transmetojë edhe ndeshjen Juventus – Borussia Munchengladbach, më 21 tetor. Ndërkohë, edhe në Shqipëri kanali mund të shihet vetëm përmes një sateliti, pa pasur nevojë që të paguhen shuma parash për platformat e ndryshme dixhitale.
