Profesori i shkencave të agrikulturës, Haim Rabinowitch me ekipin e tij, kanë zbuluar se me shfrytëzimin e njësive të përbëra nga çereku i patates dhe vendosjen e tyre në mes të një katodës së bakrit dhe anodës së zinkut të lidhura me një tel, mund të ndriçohet dhoma me llampa LED deri më 40 ditë.
Ky zbulim tregon se patatja mund të ofrojë energji elektrike si bateritë e llojit AA.
“Kemi zgjedhë patatet për shkak se ato mund të kultivohen thuajse në mbarë botën, duke përfshi edhe klimën tropikale dhe subtropikale”, ka deklaruar Rabinowitch.
Sipas tij, patatja ndihmon në përçimin e elektricitetit duke vepruar si urë mes të gjitha llojeve të metaleve, çka ju mundëson elektroneve të lëvizin lirshëm përmes telit, duke krijuar elektricitet.
Patatja është zgjedhur edhe për shkak të përbërjes së vet, që i mundëson deponim disamuajsh pa tërhequr insekte.
