Duart, në krahasim me pjesët e tjera të trupit, janë të prirura për të treguar të parat shenjat e kohës, pasi ato janë gjithmonë në kontakt me ajrin, smogun, diellin dhe lahen shpesh. Kjo na bën të kuptojmë rëndësinë që ato kanë, ndaj, ne do t’ju tregojmë sekretin e kujdesit dhe për t’i mbajtur ato gjithmonë të reja dhe joshëse.
1. Së pari, duart kërkojnë hidratim të thellë. Në mëngjes, para se të dilni nga shtëpia dhe në mbrëmje para se të shkoni në shtrat është e mirë të aplikoni një zbutës natyral në duart tuaja.2. Në dimër, përdorni doreza të ngrohta, në mënyrë që të keni qarkullimin e duhur të gjakut në kapilarët e duarve. Dorashkat gjithashtu parandalojnë tharjen dhe skuqje e tyre.
3. Në verë, jeni të kujdesshëm të aplikoni gjithmonë kremin kundër diellit për të parandaluar në këtë mënyrë rrudhat e krijuara nga dielli.
4. Ndonjëherë ju mund të përdorni kremin pastrues të fytyrës për të hequr shtresat e qelizave të vdekura në duart tuaja. Kjo ndihmon në rigjenerimin e lëkurës së re të duarve.
5. Gjithashtu, e rëndësishme është të zgjidhni sapunë të përshtatshëm, pa substanca të dëmshme. Produktet më të mira janë ato të bëra nga vajrat bimorë, me glicerinë ose gjalpë karitè, me esenca aromatike. Me glicerinë mund të përgatisni një krem hidratues, përzieni ujë dhe glicerinë në pjesë të barabarta dhe të shtoni esencën që ju preferoni për ta aromatizuar. Në këtë mënyrë ju keni përfituar një hidratues të madh natyral për duart tuaja.
6. Një zgjidhje shumë e mirë për tu bërë në shtëpi për tonin e lëkurës dhe duarve është të merrni një copë pambuku, e lagni me uthull molle dhe lyeni duart, pastaj i lani me ujë të rrjedhshëm.
7. Për të luftuar shenjat e plakjes, vaji i trëndafilit është një aleat i madh: me vitaminën C dhe antioksidantë e tij, ai lufton radikalet e lira, përgjegjëse për plakjen e lëkurës. Shije.al
