Në krahasim me pjesën tjetër të lëkurës ato bien në sy më shumë gjatë verës për shkak të ngjyrës më të errët që kanë.
Këto njolla, që zakonisht formohen nga mungesa e ndonjë vitamine, mund të shfaqen në bërryl, në gjunjë etj. Por edhe në pjesë të ndryshme të fytyrës apo dhe në duar.Njollat shfaqen pasi ka një ndryshim të shpejtë të epidermës, e cila ndryshon nga 28 ditë, që zakonisht bëhet në shtatë ditë, gjë e cila sjell rritje të qelizave të dëmtuara. Ky ndryshim shoqërohet edhe nga efekte të tjera, si është dhe formimi i njollave. Deri tani për njollat dihet vetëm se janë kronike. Dhe trajtimi mund të ndihmojë për të zvogëluar apo zhdukur shenjat.
Njollat në verë
Për personat që kanë probleme me lëkurën është mirë që të mbrohen me krem me mbrojtje të lartë, pasi djegiet e diellit mund të kthehen në njolla të reja dhe që mund të përhapen në gjithë trupin. Duhet pasur kujdes sidomos për lëkurën e thatë dhe shumë të ndjeshme. Është mirë, kur keni probleme të tilla, të përdorni një sapun kur bëni dush dhe të mbroni në mënyrë sistematike lëkurën tuaj me krem hidratues edhe pse bën nxehtë.
Aknet: rrini në diell, por jo shumë
Personat që kanë akne, dielli nuk bën mirë. Sigurisht që disa rreze mund të jenë të mira për pak kohë, falë aksionit të tyre antiseptik, por bëhet fjalë vetëm për një periudhë të shkurtër. Rrezet ultravjollcë sjellim nxirjen e epidermës, që përbën një lloj mbrojtjeje ndaj diellit. Por një gjë e tillë sjell më pas krijimin e pikave të zeza, që do të duken më shumë pas pushimeve. Prandaj është mirë të përdorni sapunë që nuk e thajnë fytyrën dhe të evitoni solucionet me alkool. Gjithnjë duhet të mbuloheni me ndonjë gjë të hollë dhe të mos kaloni shumë orë në diell.
Alergjitë në diell
Gjatë orëve të para të ekspozimit në diell shfaqen dhe shenjat e kuqe në të gjitha pjesët e trupit. Prandaj duhet që në fillim të përdorni krem me mbrojtje të lartë. Dhe nëse nuk do të keni përmirësim, atëherë duhet të këshilloheni me mjekun dhe të merrni ilaçe kundër alergjisë. Duhet të keni parasysh që të shfaqeni në diell çdo ditë nga pak dhe ruajuni mirë. Prandaj duhet të merrni masa, të përdorni kremra që kanë përmbajtje melanine.
Mbrojtja lëkurës në plazh
Në vija të përgjithshme mjekët rekomandojnë konsumimin e ujit për t’a mbajtur trupin dhe lëkurën të hidratuar gjatë verës, sidomos sezonit të plazhit. Ndërsa hidratimi i lëkurës është shumë i rëndësishëm, dermatologët thonë se aplikimi i kremrave mbrojtës ndaj diellit është i domosdoshëm për të shmangur djegiet dhe dëmtimet e lëkurës.Mbrojtësit ndaj diellit gjenden në formën e kremit për fytyrën dhe qumështin e vajrave për trupin. Përdorimi i tyre rekomandohet në varësi të tipit të lëkurës, ndërsa për fytyrën nevojiten kremra me SPF, të cilët duhet të përdoren çdo 90 minuta, pavarësisht rezistencës së tyre ndaj ujit.Për shkak se lëkura është më e prirë për t’u djegur në mesditë, për shkak të diellit të fortë, është e rekomandueshme dalja në plazh në orët e paradites apo dhe të mbrëmjes. Një tjetër sekret i kujdesit në plazh është mbajtja e syzeve të diellit për mbrojtjen e syve nga rrezet e dëmshme ultraviolet, por edhe përdorimi i kapeles./express/a.k
