Papunësia ka mbetur stabël në qershor në zonën euro, në 10,1 për qind, niveli më i ulët i regjistruar që prej korrikut 2011, njoftoi sot Zyra Evropiane e Statistikave “Eurostat”.
Këto të dhëna përkojnë me pritshmëritë e analistëve të shërbimeve financiare, ku në maj papunësia kishte arritur 10,1 për qind, ndërsa në prill 10,2 për qind.
Në eurozonë vazhdon të ketë pabarazi të lartë mes vendeve anëtare, ku niveli më i ulët i papunësisë u regjistrua në Maltë (4%) dhe në Gjermani (4,2%), ndërsa niveli më i lartë i papunësisë u regjistrua në Greqi (23,3%) dhe në Spanjë (19,9%)./a.k