Seksi pa shqetësime në pushime është diçka që të gjitha çiftet i bënë të lumtura.
Ja se si duhet vepruar që seksi në shtëpi të duket i ngjashëm me atë në pushime.
Seksi gjatë pushimeve është më i dëshiruar dhe më shumë relaksues, kurse kjo ndodh për shkak të faktorëve të jashtëm, shkruan sot gazeta “Zëri”.
Jeni në një vend të ri dhe nuk keni përgjegjësi, prandaj keni një fokusim shtesë në personin me të cilin jeni.
Për fat të keq, shumë prej nesh nuk kanë kohë dhe para për të ikur në një vend të huaj dhe për të përmirësuar jetën seksuale.
Për fat të mirë, ju mund të keni marrëdhënie seksuale në shtëpi sikur të jeni në pushime me ndihmën e spontanitetit dhe lidhjes së plotë me partnerin tuaj.
Ndaloni të planifikoni seksin
Nuk është njëjtë sikur të shkruani në një kalendar kur duhet të keni marrëdhënie seksuale, pasi jeta e përditshme është e mbushur me rutina dhe seksi zakonisht është një prej tyre. Por kur jeni në pushime, të gjitha rutinat mund të zhvendosen anash. Gjysmën e ditës ta ndani vetëm për veten dhe partnerin tuaj, kurse atë pjesë të ditës do ta shpenzoni në pozicionin e shtrirë në shpinë dhe të bëni vetëm aktivitete seksuale. Bëni dashuri sa herë që ndonjë prej jush të jetë i disponuar. Bëni jetë intime kur të dëshironi.
Çdo gjë pa brenga
Udhëtimi në një vend ekzotik përfshin akomodimin në një dhomë hoteli, të cilën nuk keni nevojë për ta pastruar. Kur e dini se nuk keni pse të shqetësoheni në lidhje me rrëmujën e shkaktuar në dhomën e gjumit, ajo gjë ju largon barrën nga shpatullat tuaja, duke ju bërë më të pranishëm në aktin seksual. Më lehtë përqendroheni në partnerin tuaj kur nuk i kushtoni vëmendje ndotjes së çarçafit.
Largoni teknologjinë nga dhoma e gjumit
Kur shkoni në pushime, zakonisht çlodheni nga teknologjia. Detoksifikimi digjital na ndihmon për t’u lidhur më mirë me njerëzit me të cilët jemi në lidhje. Emocionet e bëjnë seksin edhe më të pasionuar.
Kur jeni në lidhje të vazhdueshme me telefonin nuk mund të lidheni me njerëzit rreth jush. Edhe kur telefoni është afërt jush, gjithmonë ju shpërqendron vëmendjen ndaj gjërave tjera. Largoni telefonin, kompjuterin dhe TV-në nga dhoma e gjumit. Dhe kjo nuk vlen vetëm për këtë rast, por për gjithnjë. Ato nuk përkasin atje dhe në këtë mënyrë do të keni një jetë më të mirë seksuale.
Shmangni ndonjëherë krevatin
Nuk do të thotë të jeni në një vend krejtësisht të ri për të bërë seks, por vetëm përpiquni të largoheni nga krevati, duke shkuar në makinë, në dhomën e ditës apo në oborr nëse ekzistojnë mundësitë. Dush kabina juaj nuk është vetëm një vend i imagjinatës, prandaj provoni atë edhe për gjëra të tjera, përveç për dush. /ZËRI/
