Në kohët e sotme, njohjet online po bëhen shumë të përhapura nga të gjithë kudo në botë. Edhe pse ankohemi se jeta reale po zbehet dhe shijohet jeta virtuale, përsëri ne qëndrojmë pranë rrjeteve sociale, të krijojmë ndonjë kontakt apo lidhje me dikë. Ndoshta jemi zhgënjyer nga njohjet live? Në pamje të parë, nuk mund të kesh besim, sepse nuk i dihet se cili është personi që po flet. Sipas disa statistikave, kemi parë se ka edhe njerëz të cilët janë takuar, lidhur apo martuar nga këto lloj njohjesh. Ja disa këshilla sesi të veprojmë, nëse duam që ky lloj kontakti të mos jetë vetëm në internet.
1. Largoni përshëndetjet e zakonshme
Nëse i shkruani fjali të zakonshme, kjo mund të bëjë që personi të mendojë se jeni tip i mërzitshëm dhe monoton. Përshëndetja e parë ka të bëjë me botën tuaj, sa kreativë dhe interesantë jeni. Pra, nëse thoni: Përshëndejte, jam X, kjo do t’ju bëjë të futeni në listën e block persons.
2. Mos flisni vetëm për veten tuaj
E dimë që hapi i parë, është të tregoni sesa i/e mirë jeni. Nuk është e nevojshme t’i bëni qejfin vetes, por më shumë interesohuni për tjetrin që po komunikoni. Sa më pak “komplimenta” rreth vetes suaj, aq më shumë do rritet interesi për t’ju njohur.
3. Mos jepni përgjigje të shkurtra
Dihet që përgjigjet e shkurtra në shumicën e rasteve, aq më tepër në një njohje tregojnë mosinteresim. Mundohuni të shfaqni anën tuaj më të mirë, duke e bërë bisedën të larmishme. Nëse keni interes për bashkëbiseduesin, vërtetojeni. Gjatë gjithë kohës, lëreni të kuptojë se nuk jeni tip që qëndroni vetëm në njohje interneti, por kërkoni të takoni personin që ju ka krijuar sadopak interes për t’i çuar gjërat në një pikë tjetër, takimi në jetën reale.
