Si ta përzgjidhni gjininë e fëmijës në mënyrë natyrale
Shumica e çifteve të cilët dëshirojnë domosdoshmërisht një vajzë apo një djalë, kanë përdorur teknika natyrore apo mjekësore për ta arritur këtë gjë. Krahasuar me metodat e përzgjedhjes gjinore sipas mënyrave teknologjike të avancuara, metodat natyrore mund të mos jenë aq të sigurta, por janë lehtësisht të mundura dhe të arritshme. Shanset për të arritur përzgjedhjen e gjinisë së fëmijës nëpërmjet metodave natyrale është 60%.
Një nga metodat më të përdorura për të rritur mundësinë e pasjes së një djali, është metoda “Shettles”. Megjithatë, duhet theksuar se mjekët janë të ndarë për saktësinë e saj, pasi megjithëse ka studime që e aprovojnë, shumë të tjera e hedhin poshtë si të pasaktë.
Kjo metodë ka në thelb periudhën e ovulacionit dhe kohën e marrëdhënies seksuale. Metoda “Shettles” është bazuar plotësisht në vëzhgimin se si sperma mbijeton në periudha të ndryshme kohore, ndërsa udhëton në qafën e mitrës.
Pra, nëse dëshironi të keni një vajzë (kromozome XX), marrëdhënia seksuale duhet bërë 2-3 ditë para ovulacionit. Për një djalë (kromozome XY), marrëdhënia seksuale duhet të bëhet rreth 12 orë para ovulacionit.
Masni temperaturën çdo ditë. Menjëherë pas ovulimit temperatura juaj do të rritet. Nëse doni të kryeni marrëdhënie seksuale sa më afër ovulimit, atëherë është mirë që të krijoni një kalendar për periodat tuaja të paktën dy muaj rresht që të dini tamam se si vazhdon ovulimi juaj.
Kjo metodë gjitthashtu kërkon që babai të sigurohet që sasia e spermës të jetë sa më e madhe që është e mundur, për të pasur mundësinë e shtatzënisë që herën e parë. Kjo nënkupton që babai duhet ta privojë veten nga orgazma për të paktën 2-5 ditë para ovulimit. Gjithsesi, ka një sërë faktorësh që ndikojnë në spermë. Ndaj për ta pasur atë sa më cilësore, kini kujdes të mos pini duhan apo alkool, shmangni disa lloje ilaçesh që ndikojnë në fertilitet dhe mbajini testikujt të freskët. Prodhimi i spermës është më i lartë kur testikujt janë lehtësisht më të freskët sesa temperatura e përgjithshme e trupit. Shmangni mbathjet e ngushta, banjat e nxehta apo laptopët e nxehtë.
Kryeni marrëdhënie sa më afër ovulimit që është e mundur. Kjo nënkupton nisjen rreth 24 orë para ovulimit dhe përfundimin rreth 12 orë pas ovulimit.
Kryeni marrëdhënie seksuale në pozicione që inkurajojnë penetrim të thellë për të pasur më shumë mundësi për një djalë. Gjithashtu, nëse dëshironi që të keni djalë, është më mirë që femra ta arrijë e para orgazmën, gjë që rrit aciditetin brenda vaginës. Kjo e bën më mikpritës ambientin për spermën mashkullore duke rritur mundësinë që ata të mbijetojnë deri tek vezët.
