1014-Vdiq Samuil që në vitin 976 në luftën kundër Romës (Bizantit) themeloi Perandorinë Maqedonase. Mbretëria e tij ra në 1014 pas një humbje të rëndë shkaktuar nga perandori bizantin Vasily II në betejën pranë Belasica. Sipas të dhënave, ai vdiq nga një atak në zemër kur e pa që 14.000 ushtarët ishin kapur dhe më pas me urdhër të perandorit bizantin Vasili II është verbuar dhe u lirua.
1552- Lindi Mateo Riçi (Matteo Ricci), një jezuit italian, misionari i parë katolik në Kinë (1581), me mbi 30 vjet shërbimi të suksesshëm në atë vend, që i njohu kinezët me arritjet e qytetërimit perëndimor dhe në Perëndim përhapi njohuritë, që deri atëherë ishin të pakta për Kinën.
1846-Lindi inxhinieri amerikan George Westinghouse, shpikësi i frenave me ajër për lokomotivat dhe tramvajet, themelues i “Westinghouse Elektric Corporation” (1886).
1887-Lindi arkitekti dhe teoricieni zviceran Charles-Edouard Jeanneret, i njohur si Le Corbusier (Corbusier), një nga arkitektët më të mëdhenj të shekullit të 20, që bëri përdorimin e betonit, qelqit dhe hekurit duke ndryshuar rrënjësisht mënyrën tradicionale të konstruktit të ndërtesës. (b.an)
