1835 – Lindi shkrimtari amerikan Samuel Clemens Lenghorn, i njohur gjithashtu si Mark Twain, një nga humoristët më të mëdhenj të letërsisë botërore. Ai u bë i famshëm për romanin e tij “Aventurat e Tom Sawyer”, “Jeta në Misisipi”, “Aventurat e Huckleberry Finn”, “Jeta në oborrin e mbretit Arthur.”
1872 – Në Glasgow u zhvillua ndeshja e parë e futbollit mes dy ekipeve përfaqësuese të Anglisë dhe Skocisë. Ndeshja përfundoi 0: 0.
1874 – Lindi shtetari anglez Winston Leonard Spencer Churhill, Kryeministër i Britanisë së Madhe 1940-45. dhe 1951-1955, lideri i Partisë Konservatore nga viti 1940. Si një prej protagonistëve të mëdhenj të fitores mbi forcat fashiste, mori pjesë në të gjitha konferencat e mëdha aleate (Moskë, Teheran, Jaltë, Potsdam). Ai është autor i veprave të shquara letrare fiction, dhe me “Kujtime të Luftës së Dytë Botërore”, fitoi çmimin Nobel 1953 për letërsinë.
1900 – Vdiq shkrimtari anglez me origjinë irlandeze, Oscar Wilde. Shkelja e tij demonstrative e konventave sociale të të periudhës Viktoriane e bëri që të përfundoj në burgim dy-vjeçar (1895) për shkak të homoseksualitetit. Ai vdiq në mërgim në Paris në varfëri dhe turp, por 100-vjetori i vdekjes së tij u kremtua zyrtarisht në Westminster Abbey në Londër, Paris, Dublin dhe Nju Jork. (b.an)
