321- Perandori Romak Konstandin II, një i krishterë, e deklaroi të Dielën një ditë pushimi për të ushtruar ritet fetare.
1423- Lindi mbreti Luigj XI i Francës, i cili gjatë mbretërimit të tij (1461-83) inkurajoi zhvillimin e zanateve dhe tregtisë duke u dhënë qyteteve privilegje. Ai modernizoi shkollat e mesme të vjetra dhe të reja.
1642-Vdes mbretëresha Marie Medici e Francës, bijë e Dukës së Toskanës Françeska de Mediçi. Pas vrasjes së mbretit Henri IV, ajo u vendos si regjente (1610-17) me djalin e saj Luigj XIII. Për të u ndërtua Pallati de Luksemburg në Paris, sallat e së cilës ishin zbukuruar me 21 piktura nga Rubens, të cilat tani janë në Louvre.
1775- Gjenerali George Washington, më vonë i zgjedhur presidenti i parë i Shteteve të Bashkuara (1789), zyrtarisht merr komandën e një ushtrie kolonistësh në Luftën Revolucionare Amerikane.
1883- Lindi shkrimtari austriak Franz Kafka. Veprat e tij, ndër të cilat më të famshmet janë romanet “Procesi” dhe “Kështjella” dhe tregimi i shkurtër “Metamorfoza”, patën një ndikim vendimtar në letërsinë evropiane të shekullit të 20-të.
1904-Vdes Theodor Herzl, themeluesi dhe udhëheqësi i lëvizjes Sioniste. Ai organizoi Kongresin e parë Sionist në Bazel (1897) dhe ishte presidenti i parë i Organizatës Botërore Sioniste. Në veprën “Shteti hebre” (1896), ai paraqiti një plan për krijimin e një shteti hebre në Palestinë.
1969-Një nga themeluesit e bandës angleze të rrokut “Rollingstones”, Brian Jones, mbytet në pishinën e tij nën ndikimin e një sasie të tepruar droge.
1987-Krimineli i luftës i Luftës së Dytë Botërore Klaus Barbie, kreu lokal i Gestapo, i quajtur “Kasapi i Lyonit”, dënohet me burgim të përjetshëm në Francë.
2004- Vdes Andrian Nikolayev, një kozmonaut rus i cili vendosi një rekord për kohëzgjatjen e qëndrimit të tij në hapësirë në 1962. E orbitoi Tokën 64 herë në një total prej 96 orësh. BETA
