1859 – U botua libri i natyralistit anglez Charles Darwin, “Origjina e llojeve”. Teoria e tij revolucionare e evolucionit provokoi polemika të mëdha në qarqet shkencore dhe kisha shprehu frikë se libri do të dëmtonte besimet fetare rreth prejardhjes së botës.
1632 – Lindi filozofi holandez me origjinë hebreje Baruch de Spinoza, një nga përfaqësuesit më të rëndësishëm dhe më të qëndrueshëm të filozofisë racionale. Mendimi i tij, i bërë publik në veprën kapitale “Etika”, pati një ndikim shumë të rëndësishëm në filozofinë evropiane. Kurse qëndrimi i tij kritik ndaj Biblës dhe Talmudit provokoi zemërim në qarqet teologjike kurse bashkësia hebraike e anatemoi dhe e përjashtoi atë nga radhët e veta.
1642 – Lundërtari holandez Abel Tasman Janson (Janszoon) zbuloi jugun e ishullit Australian dhe e quajti atë Land Van Diemen, i cili u emërua më pas në nder të tij Tasmania.
1864 – Lindi piktori francez dhe artisti grafik Henri Toulouse Lautrec, mjeshtër i litografisë, dhe një piktor bohem nga Montmartre, ku krijohej atmosfera e artistëve dhe karakteri artistik i natës së Parisit në fund të shekullit të 19-të. (b.an)
