1519-Vdiq Leonardo da Vinci, skulptor, shkencëtar dhe piktor italian, “uomo universale” i Rilindjes Italiane, ndërsa historianët e artit e klasifikojnë atë si gjeniun më të madh të të gjitha kohërave. “Mona Lisa” dhe “Darka e Fundit” e tij janë ndër pikturat më të famshme në botë. “Traktati mbi pikturën”, i cili përmban vëzhgimet, përfundimet dhe mësimet e tij mbi pikturën, perspektivën, dritën dhe ngjyrën, është një kontribut i rëndësishëm në shkencën e artit.
1729- Lindi Perandoresha Ruse me prejardhje gjermane Catherine II Alekseevna (Katerina e Madhe). Ajo u shpall Perandoreshë në 1762 nga Garda e Oborrit, pasi burri i saj Peter III u vra në një komplot. Nën ndikimin e enciklopedistëve francezë Voltaire dhe Diderot, ajo kreu reforma të rëndësishme të shoqërisë ruse në frymën e absolutizmit iluminist.
1892- Lindi piloti gjerman Manfred von Richthofen, “Baroni i Kuq”, aviatori më i famshëm gjerman në Luftën e Parë Botërore. Gjatë luftës, ai rrëzoi më shumë se 80 aeroplanë. Ai vdiq në një nga betejat ajrore në Prill 1918.
1933- Kancelari gjerman Adolf Hitler shfuqizon sindikatat.
1957- Vdes politikani i njohur amerikan, Senatori Joseph McCarthy, udhëheqës i fushatës anti-komuniste në Shtetet e Bashkuara në vitet 1950.
2011- Një grup komandosh amerikanë vrasin Osama bin Laden në qytetin e Abbottabat në Pakistan, udhëheqësin e organizatës terroriste Al Qaeda dhe një nga organizatorët kryesorë të sulmeve terroriste të 11 shtatorit 2001 në Shtetet e Bashkuara, të cilat çuan në luftë në Afganistan dhe më vonë në Irak. BETA
