1903- Vëllezërit Vilbur dhe Orville Wright kryen fluturimin e tyre të parë të suksesshëm në historinë e aviacionit. Fluturimi i tyre “Flajer I” u realizua mbi dunat e rërës afër qytetit të Kiti Houk në Karolinën e Veriut, SHBA, duke fluturuar katër herë, e duke e fiksuar mjetin në ajër për një maksimum prej 59 sekondash.
1531- Pas urdhërit të Papa Klementit VII, Inkuizicioni u themelua në kryeqytetin portugez të Lisbonës.
1830- Vdiq revolucionari amerikan, udhëheqësi ushtarak dhe burrështetasi Simon Bolivar. Udhëheqësi i luftës për pavarësinë e Amerikës së Jugut nga Spanja, “El Libertador”, nuk ka arritur aspiratën e tij për të bashkuar vendet e Amerikës së Jugut në një shtet të fortë dhe të pavarur. Ai çliroi Venezuelën, Ekuadorin, Panamanë dhe Perun dhe ishte president i Kolumbisë dhe Bolivisë, e cila u emërua pas emrit të tij. I akuzuar se donte të shpallej monark, u tërhoq nga pushteti në 1830 dhe vdiq shpejt. (b.an)
