1536- Vdes humanisti, filozofi dhe filologu holandez Erasmus nga Roterdami, kritik i shtetit papnor dhe abuzimit të kishës. Ai paraqiti pikëpamjet e tij mbi rrethanat shpirtërore, kishtare dhe shoqërore në veprën satirike “Lavdërimi i Marrëzisë”, kurse vepra e tij “De ratione studii” është programi i parë sistematik i edukimit shkollor humanist.
1682- Vdes astronomi francez Jean Picard. I pari që mati saktësisht shkallën e harkut të meridianit dhe mundësoi një llogaritje më të saktë të rrezes së Tokës. Ai filloi almanakun astronomik “Connaissance des Temps” në 1679.
1806- Konfederata e Rinit formohet në Paris, e cila përfshin 16 shtete gjermane nën protektoratin e Francës së Napoleonit. Kjo nënkuptonte gjithashtu fundin e Perandorisë së Shenjtë Romake të Gjermanisë, e cila u shfuqizua në 6 Gusht, kur Franz I Habsburg hoqi dorë nga kurora perandorake Gjermane. Konfederata u shpërbë në 1813 pas disfatës së Napoleonit në Betejën e Leipzig.
1884- Lindi piktori dhe skulptori italian Amadeo Modigliani. Ai kaloi një pjesë të mirë të jetës së tij në Paris (1906-20), ku u përshtat në tendencat e artit bashkëkohor të “Shkollës së Parisit” dhe u bë i famshëm për portretet dhe nudot e tij të stilizuara në forma të stërzgjatura.
1904- Lind shkrimtari dhe diplomati kilian Pablo Neruda, fitues i Çmimit Nobel për Letërsi në 1971. Ai kundërshtoi me guxim futjen e diktaturës së Pinochet dhe varrimi i tij në 1973 u kthye në një manifestim të antifashistëve kilianë.
1997-Qeveria Kubane, pas provave laboratorike, konfirmoi vërtetësinë e eshtrave të udhëheqësit legjendar gueril Ernesto Che Guevara, të gjetur në Bolivi, ku ai u vra, dhe më pas u transferua në Kubë, bazuar në një marrëveshje midis qeverive të dy vendeve.
2000-Vdes në Topola Princi Tomislav Karadjordjevic, djali i mbretit Aleksandër I dhe vëllai i mbretit Peter II. Varrimi i tij u bë më 16 korrik në varrin familjar në Oplenac e mblodhi pothuajse të gjithë familjen Karadjordjevic, e cila kishte jetuar jashtë që nga Lufta e Dytë Botërore, kur autoritetet e reja komuniste ndaluan që mbreti dhe anëtarët e familjes së tij të ktheheshin në vend. Princi Aleksandar Karadjordjevic, djali i Mbretit Peter II, u kthye me familjen e tij në RFJ në 2001 dhe me vendim të qeverisë federale, familjes Karadjordjevic iu dha përdorimi i kompleksit me oborr në Dedinje.
2001-Ish Car Bullgar Simeon II Sakse-Koburg pranon kandidaturën e tij për kryeministër. Ai u zgjodh zyrtarisht në atë pozitë në parlament në 24 korrik.
2003- Vdes saksofonisti dhe kompozitori legjendar i xhazit Benny Carter. Gjatë karrierës së tij 60-vjeçare, ai ka interpretuar me muzikantë të shumtë të spikatur të xhazit, dhe punët në aranzhimin e tij janë kryer nga ansamblet më të famshëm të xhazit të udhëhequr nga Duke Ellington, Benny Goodman, Chick Webb dhe Glen Miller. BETA
