1754 – Lindi Pavel I Petrovich Romanov, perandori rus (1796-1801), biri dhe pasues i Katerinës së Madhe. Nga frika e pushtimit prej mësimeve të Revolucionit Francez, qeveria e tij u mbrojt me represion dhe terror, kurse në 1798 ai u bashkua me “Koalicionin e dytë” (me Anglinë dhe Austri) kundër Napoleonit. Ai u vra në vitin 1801 në konspiracionin e zyrtarëve të gjykatës.
1904 – Lindi pianisti amerikan me origjinë ruse, Vladimir Horovitz (Horowitz), një nga mjeshtrit më të mëdhenj të pianos në historinë e muzikës. Nga BRSS u largua në vitin 1925 dhe kur u kthye për herë të parë në vitin 1986, ai u prit me shumë triumf në koncerte në Moskë dhe Leningrad.
1914 – Turqia, si aleati i Fuqive Qëndrore në Luftën e Parë Botërore, mbylli Dardanelet për anijet e vendeve Antantës.
1946 – Gjykata Ushtarake Ndërkombëtare e Nurembergut shpalli fajtor për krime lufte gjatë Luftës së Dytë Botërore 22 zyrtarë të Gjermanisë naziste. U ekzekutuan 12 syresh, tre u dënuan me burgim të përjetshëm dhe të tjerët u dënuan me 10-20 vjet burg.
1949 – U shpall Republika Popullore e Kinës e udhëhequr nga Mao Cedung. Chu (Zhou) Enlai u emërua kryeministër i parë dhe ministër i punëve të jashtme. (b.an)
