1856 – Lindi burri i shteti amerikan, Woodroë Wilson, Presidenti i Shteteve të Bashkuara nga viti 1912 në vitin 1920. Pas përpjekjeve të pasuksesshme për të hetuar terrenin për përfundimin e paqes në mes të Antantës dhe Fuqive Qendrore dhe luftës së nëndetëseve në të cilën gjermanët mbytën edhe anije amerikane iu bashkua më 1917 Antantës dhe i futi keshtu Shtetet e Bashkuara në Luftën e Parë Botërore. Në bazë të planit të tij me 14 pika, gjermanët nënshkruan një armëpushim më 11 nëntor 1918. Me iniciativën e tij u themelua Lidhja e Kombeve, paraardhëse e Kombeve të Bashkuara, por nuk arriti të bindë Kongresin e SHBA për të aderuar në këtë organizatë ndërkombëtare. Ai fitoi çmimin Nobel për Paqe në vitin 1920. Ai njihet si nje nga perkrahesit me te medhenj te ceshtjes shqiptare.
1895 – Në restorantin e Parisit “Gran Cafe” vëllezërit Louis dhe Auguste Lumiere kanë përgatitur shfaqjen e parë të filmit. Filmi ishte një klip i shkurtër që tregonte punëtorët duke hyrë në fabrikë dhe një tren në stacionin hekurudhor, kjo veçanërisht ka ngacmuar kureshtjen e shikuesit sepse treni ecte në drejtim të kamerës. Kjo datë është marrë si dita e krijimit të kinemasë.
1923 – Vdiq inxhinieri francez dhe arkitekti Alexander Gustave Eiffel, ndërtues i kullës në Paris që mban emrin e tij. Ai ishte një specialist në ndërtimet dhe urat prej gize, dhe ndër të parët që aplikoi ndërtimin e nënujshëm të themeleve të urave të mëdha. (b.an)
