1966 – Si sot, vdiq regjisori amerikan Walt Disney, karikaturist, animator dhe producenti i filmave, krijuesi i filmit modern të animuar, që ka fituar plot 29 çmime Oscar. Rruga për famë u hap në fund të viteve ‘20 të shekullit të 20-të përmes figurës së Mickey Mouse. Nga studioja e Disney-t më vonë u shpërndanë karikaturat e njohura në mbarë botën, “Borëbardha dhe shtatë xhuxhat “, “Hirushja”, “Peter Pan”, “Bambi”, “Pinokio”, “Liza në Botën e Çudirave “.
37 -Ka lindur perandori romak Nero, sundimi i të cilit i moderuar nga viti 54 më vonë u kthye në terror të padëgjuar që kulmoi në zjarrin që i vuri Romës (64). Romakët e fajësuan Neronin për zjarrin, kurse ai akuzoi të krishterët dhe bëri përndjekjen e tyre të përgjakshme. Atij i vishen edhe vrasja e të ëmës Agripës; gruas Oktavia, e disa bashkëpunëtorë të ngushtë dhe romakë të shquar. Ai kreu vetëvrasje në vitin 68 pasi u shpall nga Senati si armik i popullit romak dhe u dënua me vdekje.
1675 – Vdiq piktori holandez Jan Vermer (Vermeer), një nga mjeshtrat më të mëdhenj hollandez të shekullit të 17-të. I panjohur dhe keqkuptuar gjatë jetës së tij, dy shekuj më vonë, u rendit në mesin e artistëve më të mëdhenj në historinë e pikturës, dhe pikturat e tij kanë arritur çmime astronomike (“Vajza me një gjerdan perlash”). (b.an)
