1898-Shkrimtari francez Emile Zola ka publikuar nën titullin “Akuzoj” në gazetën “L’oror” një letër të hapur Presidentit të Republikës, në të cilën ai vuri në dukje makinacionet e qarqeve më të larta ushtarake dhe kërkoi lirimin e kapitenit Alfred Dreyfus (Dreyfus), që më 1894, u dënua me burgim të përjetshëm për gjoja dhënien e sekreteve ushtarake Gjermanisë. Dreyfus në rigjykim është liruar dhe rehabilituar në vitin 1906, madje u kthye në ushtri dhe është promovuar deri në rangjet më të mëdha.
1906-Vdiq fizikani rus dhe inxhinieri elektrik Alexander Stepanovich Popov, një nga pionierët e teknologjisë në radio, shpikësi i antenës. Në 1896 ai transmetoi sinjale të valëve të radios në një distancë prej 250 metrash dhe përcaktoi që valët e radios reflektoheshin nga objekte të mëdha.
1910-Është transmetuar direkt në radio nga “Metropolitan Opera” në Nju Jork. Në program ishin opera e Leoncavallo “Pagliacci” dhe ajo e Mascagni “Cavalleria Rusticana”.
1941- Vdiq autori irlandez James Joyce, i cili ka bërë eksperimente në artin dhe strukturën e narrative dhe ka bërë aplikimin në roman të rrymës së ndërgjegjes, duke i dhënë një drejtim të ri letërsisë moderne. Romani i tij “Ulysses” konsiderohet të jetë “Bible” i modernizmit të prozës evropiane. Pavarësisht prej polemikave shumë të vështira dhe ekstremiste rreth veprave letrare ai pati një ndikim të madh në zhvillimin e prozës letrare të shekullit të 20-të. (b.an)
