Në Gusht-kur gjithë shteti,
terezit pushimet,
jemi keq me temat,
jo me meditimet!
Çdo ngjarje ka temë,
kjo është lehtësi,
ndërsa meditimi,
kërkon fantazi!
Gjë e mirë që shteti,
ikën me pushime,
një muaj-buxheti,
s’do ketë shumë shpenzime!
Gushti do të jetë,
me goxha kursime,
se nuk do të ketë,
dieta-udhëtime!
Gushti në buxhet,
nuk bëhet shumë gropë,
se s’ka udhëtime,
për në Europë!
S’do ketë mësymje,
si muajt e parë,
me qindra bileta,
në klasin e parë!
Gushti është i mirë,
nuk e them kot unë,
as kondicionerët,
s’do të jenë në punë!
Tash po flas për zyrat,
ku rrinë shërbëtorët,
kur ato janë hapur,
në të gjitha orët!
Ministrat në Gusht,
shumë s’do qarkullojnë,
dhe naftë e goma,
më pak do harxhojnë!
Gushti do të jetë,
muaj me kursime,
se shtetarët tanë,
bëjnë shumë harxhime!
Me mallin e shtetit,
i bëjnë-or mik,
se ky mall trajtohet,
si një mall belik!
S’do ketë nëpër rrugë,
kalime të forta,
se Tri kryesorët,
kanë super eskorta!
Juve të “Komunës”,
besoj mend e mbani,
si me nëntë makina,
lëvizte Nishani!
S’kam problem Nishanin,
që shkonte me bujë,
po nëntë makinat,
s’punojnë me ujë!
Që pushon Nishani,
është një gjë e mirë,
po ka dhe të tjerë,
me eskortë të fryrë!
Jo për hir të rimës,
po eskortë e Ramës,
është më e madhe,
dhe nga e Obamës!
Nëse rri dhjetë ditë,
Rama me pushime,
them se miliona,
do kemi kursime!
Të pushojë një muaj,
nuk ka pse të ngutet,
dhe borxhi i brendshëm,
sigurisht do zbutet!
Quhet borxh i brendshëm,
sipas mendjes sime,
kur merr lekë nga banka,
që të bësh shpenzime!
Gjersa shërbëtorët,
në punë të thërriten,
treguesit e borxhit,
nuk kanë shans të rriten!
Nisur nga sa thamë,
për mendimin tim,
do të qe më mirë,
dy muaj pushim!
Më mirë me pushime,
se sa të shërbejnë,
se kur s’janë në punë,
shtetin e kursejnë!
Gazeta Dita
