Industria britanike e automjeteve do të duhet të bëjë mirë llogaritë me daljen nga BE dhe kjo gjë për të nuk do të jetë një çështje e parëndësishme.
Mijëra punonjës priten të pushohen nga puna.
Ndërkohë, problemet me të cilat do të përballen prodhuesit e makinave Britaninë e Madhe janë si më poshtë:
- Regjistrimi i makinave ”Made in GB” do të përsëritet nga e para në një vend të BE-së
- logjistika për fabrikat përtej La Manshit, pas Brexit do të ngadalësohet prej kontrolleve doganore
- vështirësi për kohën e mbërritjes së pjesëve të ndërrimit nga BE.
Të gjithë prodhuesit e pranishëm në Britaninë e Madhe si Ford, Nissan, Honda, BMW (me Mini dhe Rolls Royce), Aston Martin (i lidhur për furnizimet me Mercedes), Bentley (Volkswagen Group), Toyota, Jaguar Land Rover (Tata Group) duhet të studiojnë dhe aktivizojnë planet e urgjencës. Sfida është e hapur.
Sipas të dhënave të ACEA-s (Shoqata e Prodhuesve Europianë të Automjeteve), fluksi i pjesëve nga Europa në Britaninë e Madhe vlen 11,4 miliardë euro ose sa 78,8% e importeve të përgjithshme në këtë zonë.
Ndër më të rrezikuarit është Jaguar Land Rover, i cili duhet të ruajë dhjetëra miliona (në vlerë) pjesë dhe komponentë për prodhimin e makinave.
Por, gjithashtu Mini, që merr 80 kamionë me pjesë të prodhuara në BE çdo ditë, mund të vuajë nga ndalesat e linjave dhe mbase të vendosë të transferojë kuotat e prodhimit në fabrikat e tjera.
Për të mos përmendur ”mbretëreshën” e makinave britanike, Rolls-Royce (BMW Group) e cila përdor 92% të pjesëve nga jashtë për modelet e saj super luksoze.
/a.r
