Tërmeti i sotëm me magnitudë 6.4 është më i fuqishmi që ka goditur vendin në 30 vitet e fundit. Lëkundjet që zgjatën për rreth 30 sekonda shkaktuan shembjen e disa ndërtesave.
Zona më e prekur është ajo e Thumanës dhe Durrësit, ku është regjistruar numri më i madh i viktimave dhe dëme të shumta.
Magnituda dhe intensiteti matin karakteristika të ndryshme të tërmeteve. Madhësia mat energjinë e lëshuar në burimin e tërmetit dhe përcaktohet nga matjet në sizmograf.
Ndërsa intensiteti mat forcën e lëkundjes së prodhuar nga tërmeti në një vend të caktuar.
Për të bërë një krahasim, magnituda mund të krahasohet me fuqinë e valëve të radios ose televizionit të dërguara nga një stacion transmetimi.
Intensiteti është shkalla në të cilën ne marrim sinjalin, i cili mund të varet nga distanca nga burimi i energjisë, kushtet lokale dhe rruga që duhet të ndjekë sinjali për të arritur te ju.
Pra, tërmeti me magnitudë 6.4 ballë i shkallës Richter ka intensitet që varion nga zona në zonë, në varësi të largësisë nga epiqendra.
Ndodh të raportohen përmasa të ndryshme për një tërmet. Kjo sepse lidhja midis matjeve sizmike dhe magnitudës është komplekse dhe procedura të ndryshme shpesh do të japin madhësi pak më të ndryshme për të njëjtin tërmet.
Shkallët e intensitetit, si Shkalla e Modifikuar Mercalli dhe shkalla Rossi-Forel, matin sasinë e lëkundjes në një vend të veçantë.
Në Shtetet e Bashkuara përdoret Shkalla e Modifikuar Mercalli (MMI). Shkalla Mercalli bazohet në dëmtimet e vëzhguara të tërmetit.
Nga pikëpamja shkencore, shkalla e magnitudës bazohet në të dhënat sizmike, ndërsa Mercalli bazohet në të dhëna të vëzhguara të cilat mund të jenë subjektive. Kështu, shkalla e magnidutës konsiderohet shkencërisht më objektive dhe për këtë arsye më e saktë.
Për shembull, një nivel I-V i shkallës Mercalli do të pasohej me dëme të dukshme si rënie e dyerve, enëve dhe suvatimeve apo plasaritje e mureve. Ndërsa niveli rritet, sasia e dëmit rritet ndjeshëm. Intensiteti X është vlera më e lartë në MMI./ tema tv
g.kosovari
