I gjendur nën presionin e rezultatit të 11 Shtatorit nuk i ka shpëtuar dot edhe makinacioneve. Pasi provoi alibinë e vjedhjes së votave duket se vendosi të ndryshojë trajektore në javën e fundit. Makinacioni i rradhës ishte edhe lajmi i bërë publik për median se 200 anëtarë të Partisë Socialiste janë larguar në drejtim të Partisë Demokratike. Lajm që u përgënjeshtrua nga Shtabi Elektoral i kandidatit të së majtës Muharem Rama të cilët thanë se personat e pranishëm në takimin me Bashën ishin të importuar nga jashtë Dibrës e nuk ishin anëtarë të Partisë Socialiste.
Demokratët ishin treguar të kujdesshëm për të mos fotografuar në detaje asnjë letër të grisur. Nga verifikimi i personazheve që ishin pjesë e takimit të Bashës ku u pretendua se ndodhi bashkimi i 200 socialistëve me demokratët dalin të dhëna shumë interesante.
Shumica e atyre që shfaqen në fotografi janë zyrtarisht pjesë e Partisë Demokratike dhe strukturave të tyre. Nuk mungojnë personazhe të ardhura nga jashtë Dibrës për këtë shfaqje që duket se tenton të ndikojë në opinionin publik dibran por në fakt i fyen ata dhe kontribuon për të kundërtën, për rritjen e mbështetjes së kandidatit të majtë Muharem Rama. Fakt që ka shkaktuar ilaritet mes dibranëve të cilët pjesën më të madhe të personazheve në fotografi as nuk i njihnin.
Kronika e servirur nga shtabi elektoral i kandidatit të Partisë Demokratike Sherefedin Shehu tregonte deklaratat e tre individëve: Tahir Mziu, Ramazan Kaziu dhe Bashkim Murati. Ndonëse ata u shprehën të zhgënjyer nga Partia Socialiste në Dibër dhe demonstruan gjoja grisjen e teserave, në realitet nuk rezultojnë të kenë qenë asnjëri anëtar e rrjedhimisht as nuk kanë patur një teserë partie.
Tahir Mziu është kushëri i kryebashkiakut të famshëm demokrat Xhelal Mziu i cili është përfshirë ethshëm në fushatën elektorale për zgjedhjet e 11 Shtatorit në Bashkinë Dibër. Përveç kërcënimeve e shantazhit ndaj qytetarëve në Zall Dardhë, Reç e Lurë, duket se Mziu ka angazhuar kushërinjtë për të kënaqur kryetarin Lulzim Basha. Nuk mjafton kaq. Ai nuk rezulton as të jetë votues në Dibër pasi është votues në qendrën e votimit nr.2027 në Tiranë që përkon me njësinë bashkiake nr.11, Laprakë.
Bashkim Murati rezulton të mos ketë lidhje gjithashtu me Partinë Socialiste pasi nuk është anëtar. Ndërkaq, nga verifikimet rezulton se Bashkim Murati është votues në qendrën nr.1928/1 në Tiranë që përkon me njësinë bashkiake Nr.8. Rrjedhimisht as nuk ka lidhje me votimet për zgjedhjet në Bashkinë Dibër. Më shumë se kaq, ai rezulton të ketë qenë për disa vite rresht doganier në kohën e qeverisjes së Partisë Demokratike.
Personazhi i tretë i përdorur nga Partia Demokratike në aktivitetin e sotëm është Ramazan Kaziu. Gjithashtu as ky nuk rezulton të jetë anëtar i Partisë Socialiste dhe as votues në Bashkinë Dibër.
ma.me
