Për të qenë konsekuente, feministet e Kosovës duhet të flasin tash pak edhe për gjestin e Adelina Graincës: kalimin fluturues dhe PA ASNJË ARSYETIM nga PDK në VV.
Çka na tregon ky gjest? A e turbullon kjo pak atë pamjen idilike, burrat janë të poshtër, gratë e humanizojnë politikën? Meqë shpesh, e sidomos këto ditë, nëpër media sociale në mënyrë paushalle është kultivuar ky rrëfim nga disa qarqe kinse feministe.
Në fushatën elektorale Grainca thoshte se PDK e ka ekipin më të mirë. Madje premtonte se “bashkë me kolegun Ramiz Kelmendi” do të mbështesin bizneset.
E tash? Tash a bëhet kjo majtiste e madhe në VV dhe angazhohet vetëm për të drejtat e punëtorëve dhe kundër politikave neoliberale?
Pyetja esenciale për çdo pjesëmarrës në jetën publike është kjo: kur ke gënjyer – dje apo sot? Apo përherë? Fakti që në VV nuk e merr ASKUSH guximin të kritikojë gjestin e Graincës apo së paku të shtrojë disa pyetje të nevojshme, flet shumë për rrezikun e uniformitetit mendor.
Por këtu s’kanë çka lavdërohen shumë as partitë e tjera.(E.Robelli)
