Skënderbeu ka hyrë në histori duke arritur deri në fazën e ‘Play-off’-it, në Ligën e Kampionëve ku sonte do të zhvillojë ndeshjen e parë ndaj Dinamo Zagrebit.
Por si asnjëherë më parë në një stadium të Shqipërisë, shihen logot e Ligës së Kampionëve.
Stadiumi i Kombëtares shqiptare, ‘Elbasan Arena’, tani ka ndërruar pamje krejtësisht pasi duket si arenat e mëdha evropiane.
UEFA ka sjellë logot e Ligës së Kampionëve, të cilat janë vendosur dhe janë të gatshme për ndeshjen që fillon në ora 20:45.
