• Kontakt
  • Kreu
  • Rreth Nesh
Wednesday, November 11, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Si doli zbuluar Basha, beteja e vërtetë me ndërkombëtarët dhe jo me Ramën

by A R
12/04/2017 17:57
Shperndaj ne FacebookShperndaj ne Twitter

Ndërsa priste që Ilir Meta të futej sot në çadër bashkë me ministrat e tij të dorëhequr, ku portalet pro-opozitës dhe disa analistë kanë 48 orë që e bëjnë fakt në rrjetet sociale rënien e qeverisë, Lulzim Basha ka mbajtur fjalimin më të ashpër dhe me gjuhë më të egër ndaj ambasadorëve të Shteteve të Bashkuara të Amerikës dhe vendeve të Bashkimit Europian në Tiranë.

Në fjalimin e tij Basha tha se “Projekti i vettingut është projekt mafjoz ku janë përfshirë diplomat të lartë në Tiranë për llogari të Edi Ramës, kanë marrë peng ekspertët e BE dhe së shpejti ora do të vijë kur të japin përgjegjësi demokratike në një institucion demokratik siç është BE.

Komploti është zbuluar, jo herët por në kohë. Gjithcka është bërë me një qëllim, jo për të ndihmuar Shqipërinë për të patur prokurorë e gjyqtarë të pavarur, por për ti dorëzuar drejtësinë Edi Ramës. Ky ka qenë projekti, një projekt jo pro Shqipërisë por Edi Ramës.

Ne jemi këtu, jam këtu, i vendosur të qëndroj si pengesë totale për kapjen e drejtësisë nga Edi Rama. Kjo nuk ka për të ndodhur kurrë më.

Formula jonë është Nuland- Hahn dhe jo si formula Rama Tahiri Shullazi”.

Dhe jo ndonjë i korruptuar me pasaportë të huaj, që spo ja them emrin sa për kortezi dhe që së shpejti do të japë llogari”.

Mirëpo ku qëndron fshehta e këtij shpërthimi?!

Qëndron pikërisht tek vetë Basha, i cili sot u zbulua se nuk e ka pasur këtë betejë me Edi Ramën por me ndërkombëtarët; që siç duket kanë vendosur për të mos u marrë peng nga kërkesat maksimaliste të PD-së, por të vazhdojnë në rrugën e zbatimit të Vettingut.

Siç dhe Basha e tha, ndërkombëtarët jo vetëm mbështetën por i dhuruan PD-së të ashtuquajturën formulën Nuland- Hahn, që u negocua nga ish-zyrtarja e lartë e DASH-it dhe Komisioneri i BE-së për zgjerimit, që i jep opozitës kontrollin me 50% të komisioneve të vettingut.

Por ç’ndodhi? Basha në një farë mënyre, apo thënë troç fare i preu në besë ndërkombëtarët dhe nuk e zbatoi këtë dhuratë, nuk e vuri në përdorim.

Ishte vetë reporteri i Parlamentit Europian, Knut Fleckenstein, i cili i pari i kërkoi PD-së që të mos e shpërdoronte dhuratën apo përgjegjësinë e kontrollit të 50% të Vettingut.

Pas eurodeputetit gjerman,thirrjet kanë ardhur nga nga dinjitarë të lartë nga Europa por edhe nga SHBA.

Dy zyrtarë pranë Angela Merkel deklaruan me shkrim dhe me gojë se PD duhet të rikthehet te VettingU menjëherë.

Më pas ishte zyrtari i lartë i DASH-Iit, Hoyt Lee, ose drejtori për Ballkanin dhe Euroazinë-i ngarkuar me Shqipërinë, që kundërshtoi bojkotin e në veçanti braktisjen e Vettingut.

Por Basha shpërtheu sot pas një fjale shumë të fortë të Knut Fleckensteinit ditën e djeshme.

Ai i cili refuzoi në mënyrë të prerë zgjedhjet e parakohshme dhe qeverinë teknike, tha se “protesta e opozitës mund të jetë jo vetëm për të bllokuar Vettingun”.

Kjo frazë e eurodeputetit gjerman ka qenë më e ashpra pasi e ka futur qëndrimin e opozitës shqiptare në qëndrimet që deri tani nënkuptohen por kurrë nuk ishin thënë publikisht.

Pra e ka akuzuar hapur për një aleancë gjeopolitike me linjën e Gruevskit që lidhjen e ka në kryeqytete si Athina apo Moska që padyshim kanë mbrapa interesa të mëdha ekonomike dhe gjeopolitike.

Madje edhe turi ballkanik i senatorit republikan John McCain është pikërisht rreziku rus dhe shpëtimi i rajonit nga kjo influencë.

McCain vjen të premten në Tiranë dhe pritet që ta thojë hapur këtë qëndrim.

Dhe duke parë mos ndryshimin e qëndrimit të opozitës shqiptare, por ecjen e saj drejt një përplasje fatale, ndërkombëtarët duket se kanë parashikuar edhe variantin B, pra nëse PD nuk voton Vettingun dhe nuk shkon në zgjedhje.

Ata kanë vendosur të mos ta ndjekin Bashën në rrugën e tij të “vetëvrasjes politike” duke gjetur një shteg për ta miratuar Vettingun, për ta implementuar Reformën në Drejtësi dhe për të ngritur institucionet që do të pastrojnë politikën shqiptare nga korrupsioni.

Këtë e kuptoi Basha, që në fillim nxori Vangjel Dulen, i cili në mënyrë cinike aludoi për një diplomat, i cili e ka këshilluar të mos ndjekin PD-në në rrugën e saj, që duket hapur se nuk përputhen në interesat europiane dhe amerikane që kanë investuar miliona në Eeformën në Drejtësi, e më pas doli vetë në çadër duke deklaruar se tashmë të gjithë përfaqësuesit zyrtarë të Perëndimit janë të korruptuar nga mazhoranca.

Në fakt, thirrja e Bashës sot ishte një presion i hapur ndaj ndërkombëtarëve se ai nuk do të tërhiqet por do të qëndrojë fort si “digë” për t’jua bërë nul projektet tashmë të miratuara dhe që duket nuk kanë tërheqje pas.

Shqipëria po ndodhet drejt një rruge që natyrisht mund të ketë në elitën politike një event dramatik, por në fund ka një rrugë që duket se nuk ka kthim pas.

Por edhe opozita ka bërë të ditur se do të përdorë të gjitha mekanizmat. Alfred Lela, një nga zëdhënësat mediatik të Bashës, në një nga debatet në Top Story, e paralelizoi lëvizjen e opozitës me UÇK-në e cila në fillim nuk u pranua nga ndërkombëtarët por u sulmua ashpër e më pas u përkrah.

Pra përveç paralelizmit aspak elegant dhe të qëlluar për rastin, u bë e ditur se Basha ka menduar edhe skema parapolitike dhe jashtë sistemit.

Paralajmërimi është i qartë: përpara kemi një betejë të ashpër por sipas gjasave vendimtare…(Tesheshi.com)

Next Post
Vrasja për 13 mijë lekë/Vjehrri i Jurgen Kurtit: Gjithçka nisi me tubat e ajrimit…

Vrasja për 13 mijë lekë/Vjehrri i Jurgen Kurtit: Gjithçka nisi me tubat e ajrimit...

Leave a Reply Cancel reply

Your email address will not be published. Required fields are marked *

TË FUNDIT

Liga e Kombeve/ Kombëtarja në përballjen me Finlandën, bilanci flet për skuadrën skandinave

Liga e Kombeve/ Kombëtarja në përballjen me Finlandën, bilanci flet për skuadrën skandinave

November 11, 2026
Pas kontaktit me Putinin, liderët e Finlandës dhe Norvegjisë zhvillojnë bisedë telefonike edhe me Zelenskyn

Lufta dhe paqja/ Zelensky: Në tryezë u diskutua mundësia e shkëmbimit të deri në 1,500 të burgosurve nga secila palë!

November 11, 2026
Po ju, e doni Shqipërinë?

Blushi, boll të ngatërruar e kemi historinë, mos na e çmend tani!

November 11, 2026
Deputetja Sara Mila paraqitet në SPAK!

Deputetja Sara Mila paraqitet në SPAK!

November 11, 2026
Përleshje me thika në Vlorë, shkak dyshohet konflikti për një vend parkimi! Policia në vendngjarje, raportohet se…

Përleshje me thika në Vlorë, shkak dyshohet konflikti për një vend parkimi! Policia në vendngjarje, raportohet se…

November 11, 2026
“Nuk ka krim më të shëmtuar, e la vendin pa opozitë”- Avokati Beqiri: Berisha po saboton hyrjen e Shqipërisë në BE!

Dosja “Partizani”/ Avokati Beqiri zbardh skemën: Ja si Berisha vuri në lëvizje gjithë institucionet për të vjedhur këtë pasuri! U falsifikua dhe sajua

November 11, 2026
Sulmi kibernetik ndaj supermarketeve evropiane, Komisioni Evropian: Përpjekje për të minuar besimin e konsumatorëve

BE ngre alarmin për sulmet kibernetike, pas frigoriferëve në shënjestër mund të jenë edhe pajisjet elektro-shtëpiake!

November 11, 2026
Analiza e REL: Ajri që thith Kosova “mbytës”, 171 ditë me ndotje mbi kufirin e lejuar! Pse nuk po zgjidhet problemi?

Analiza e REL: Ajri që thith Kosova “mbytës”, 171 ditë me ndotje mbi kufirin e lejuar! Pse nuk po zgjidhet problemi?

November 11, 2026
Një grup protestuesish zhvendosen tek Kryeministria, qëndrojnë nën çadra

Bllokuan rrugën gjatë protestave të 9-10 nëntorit, Policia gjobit 37 persona me nga 5 mijë lekë secili!

November 11, 2026
EKSKLUZIVE / Sondazhi: Çfarë rezultatesh zgjedhore do të kishim nëse do të votohej së afërmi?

900 mijë vota bëjnë punë, jo ndryshimi i sistemit zgjedhor…

November 11, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In