Kryeministri Edi Rama i është rikthyer sërish çështjes së audio-përgjimit për vëllain e ministrit Fatmir Xhafaj në të cilin PD pretendon se Agron Xhafaj dëgjohet duke bërë pazare droge.
Nga foltorja e Parlamentit ai ka deklaruar se ajo histori do të zbardhet shumë shpejt dhe sipas tij do zbulohet qëllimi për destabilizimin e vendit.
“Pyetja është, çfarë do mendoni që kjo që unë them të dali siç po e them, dhe kur të mësoni se bëhet fjalë për një tallje të madhe me të gjithë ju. Një tallje e madhe që synon destabilizimin e vendit, jo thjesht një skup mediatik, po destabilizimin e vendit”, deklaroi Rama.
Ai tha më tej se e vërteta do dalë pasi të kryhet ekspertimi i materialit nga cilido vend partner.
“Historia e audio-përgjimit do dalë. Bëhet fjalë për një provë, o autentike, o e fabrikuar. Këtë nuk ka nevojë ta thotë askush. Unë e përsëris, unë e di rezultaitn se e kam kërkuar që atë ditë. Por ajo që thuhet që ky e thotë këtë që Prokuroria e kapur të thotë këtë, është qesharake.
Prokuroria nuk do thotë asgjë, thjesht do e çojë në një laborator shkencor të kujtdo vendi, t’i bëjë analizën shkencore. Këtu nuk është me barrë, është pa barrë, ose ka jastëk. Këtu është çështje shkencore, të thotë laboratori, është apo nuk është”, tha Rama.
Pjesë nga fjala e Ramës:
Rama: Historia e audio-përgjimit do dalë. Bëhet fjalë për një provë, o autentike, o e fabrikuar. Këtë nuk ka nevojë ta thotë askush. Unë e përsëris, unë e di rezultatin se e kam kërkuar që atë ditë. Por ajo që thuhet që ky e thotë këtë që Prokuroria e kapur të thotë këtë, është qesharake.
Prokuroria nuk do thotë asgjë, thjesht do e çojë në një laborator shkencor të kujtdo vendi, t’i bëjë analizën shkencore. Këtu nuk është me barrë, është pa barrë, ose ka jastëk. Këtu është çështje shkencore, të thotë laboratori, është apo nuk është.
Unë që ju kam thënë publikisht që kjo është një histori banale, dhe audio-përgjimi është pa lidhje fare, far, efare me eprsonin e akuzuar, po u them që historia pas audio përgjimit është akoma më e hatashme. Këta që shikoni janë vetëm aktorët, luajnë rolet, kam shumë shpresë që të dalin skenaristët, regjizorët dhe producentët. Ai ditziu i rrugëve të Vlorës është si ata figurantët e neorealizmit italian, por mbrapa historia është shumë herë më serioze se çfarë duket. Si do të jetë t’ja lëmë prokurorisë. Të vijë përgjigja jo nga kompanitë private, në një laborator shkencor të cilitdo vend partner. Kaq! Dhe për ta mbyllur, do i bëj një pyetje shumë të thjeshtë atyre që janë të zemëruar nga fakti se na doli që vëllai i minsitrit qenka trafikant aktiv. Pyetja është, çfarë do mendoni që kjo që unë them të dali siç po e them, dhe kur të mësoni se bëhet fjalë ëpr një tallje të madhe me të gjithë ju. Një tallje e amdhe që synon destabilizimin e vendit, jo thjesht një skup mediatik, po destabilizimin e vendit. Si do u duket vetja pasi të dilni në protestë, se keni dalë njësoj siç shkohet në kinema, si do u duket vetja.
Zgjedhja është e lirë, secili bën atë që do, fatmirësisht koha kur shkoje në protestë dhe nuk ktheheshe në shtëpi, po ktheheshe në morgun e spitalit në Tiranë ka vdekur. Koha kur shkoje në protestë dhe ktheheshe në ilegal me brinjë të thyera, ka vdekur. Në protestë të dali kush të dojë, nuk e prek kush me dorë, sigurisht duke ruajtur ato vijat.
Rama: Opozita jonë thyente bojkotin për integrimin, kjo e sotmja angazhohet kundër negociatave
Kryeministri Edi Rama akuzoi sërish opozitën se po bën të pamundurën për të luftuar çeljen e negociatave për Shqipërinë. Ai tha nga foltorja e Parlamentit se PD ka bërë atë që se ka bërë kurrë asnjë parti më parë, ka braktisur Parlamentin duke mos votuar rezolutën ku shprehet vullneti për çeljen e negociatave.
Rama bëri paralelizëm me kohën kur PS ishte në opozitë, duke lënë në mes bojkotin dhe duke u bashkuar në nismat për integrimin në NATO dhe BE.
Rama kujtoi edhe kohën kur u kritikua pas ngjarjes së Gërdecit kur si kryeopozitar u akuzua “se i rrahu shpatullat” Berishës.
“Unë personalisht u kritikova nga shumëkush, pikërisht sepse nuk e kthyem atë moment tragjik në një mjet politik, për të cënuar një proces që ishte drejt finalizimit, anëtarësimin e Shqipërisë në NATO”, deklaroi Rama.
Pjesë nga fjala e Ramës:
Këtu në sallë ka jo pak deputetë të cilët kanë qenë pjesë e trupës parlamentare edhe kur u bë një rezolutë për liberalizimin e vizave dhe PS ishte në bojkot parlamentar. Nuk dua t’i kthehem arsyeve të atij bojkoti parlamentar, por e sjell në vëmendje të publikut këtë fakt për të nënvizuar se sot është e para herë në historinë e parlamentarizmit demokratik shqiptar, kur një parti braktis sallën e Kuvendit kur bëhet fjalë për një rezolutë me interes kombëtar të kësaj natyre.
Kujtoj se aso kohe grupi i PS erdhi në Kuvend, erdhi në Kuvend, kontribuoi në hartimin e asaj rezolote dhe votoi në unanimitet me PD në atë kohë në qeveri. Kujtoj po ashtu se, ndërkohë që Shiqpëria priste të merrte ftesën për tu anëtarësuar në NATO, ndodhi katastrofa e Gërdecit, me pasojë vdekjen e 26 njerëzve të pafajshëm, shkatërrimin e pronës dhe çative të një fshati të tërë, plagosjen e shumë burrave grave e fëmijëve.
Unë personalisht u kritikova nga shumëkush, pikërisht sepse nuk e kthyem atë moment tragjik në një mjet politik, për të cënuar një proces që ishte drejt finalizimit, anëtarësimin e Shqipërisë në NATO.
Dhe ja sot kur jemi në metrat e fundt të një rruge shumë të gjatë, e kur Parlamenti ka detyrë të bëjë përpjekjen e vetë për të votuar një rezolutëm, e cila është shprehje e vullnetit të gjithë qytetarëve, qoftë zgjedhës të PD e qoftë të PS.
Ndodh ajo që s’ka ndodhur kurrë, PD bën atë që as vetë se ka bërë më parë, e situata ka qenë shumë e ngarkuar politikisht, ikin nga salla, refuzojnë të votojnë një rezolutë që nuk është akt i të folurit me veten, por është akt vullneti i Parlamnetit për tu bërë me dije gjithë vendeve të BE se Parlamenti i Shqipërisë kërkon çeljen e negociatave.
/a.m.
