Teksa jemi në kulmin e sezonit veror turistik dhe temperaturat janë të larta , radhë të gjata makinash janë formuar në pikën kufitare të Kapshticës, me emigrantë shqiptarë që po kthehen në Greqi pas pushimeve në Shqipëri.
Situata është krijuar si pasojë e palës greke e cila po punon me një sportel, me pasojë të vonojë dhe të ngadalësojë ritmin e punës.
Prej më shumë se 1 ore, qytetarët po qëndrojnë në pritje në territorin ne neutral në kushte të vështira, për shkak të temperaturave.
Ndërkohë nga pala shqiptare puna po vijon me ritme të shpejta, me sportele maksimale, 3 në dalje dhe 2 në hyrje.
Pika kufitare e Kapshticës, pas një kohe të gjatë për shkak të masave anti-COVID, është rihapur më 1 korrik.
g.kosovari
