Një studim i kohëve të fundit në Japoni tregoi se bananet me pika të zeza janë të shkëlqyera për një shëndet të mirë, shkruan “Life Hack”. Sipas hulumtimeve bananet janë akoma më të mira kur në lëkurën e tyre nisin të shfaqen pikat, pasi atëherë ato atëherë janë më të pasura me antioksidantë dhe minerale. Si të tilla, treten më lehtë dhe japin më shumë përfitime shëndetësore. Këto janë pesë arsyet pse duhet të filloni t’i hani ato.
1. Jeni më pak në depresion
Bananet përmbajnë triptofan, një amino acid thelbësor për prodhimin e serotoninës, neurotransmitterit që krijon qetësi, humor të mirë dhe gjumë të mirë.
2. Ju japin energji
Nëse ndiheni të lodhur, jeni në punë ose duhet të shkoni në trajnim dhe nuk keni fuqi, hani një banane. Për shkak të përbërjes së saj unike, ajo do t’ju japë shumë energji, por në mënyrë të shëndetshme. Kaliumi që ka ajo do të parandalojë ngërçin e muskujve ndërsa mineralet dhe ushqyesit e tjerë nga bananja zgjasin qëndrueshmërinë fizike. Për këtë arsye, në vend të ëmbëlsirave apo kafes më mirë merrni një banane.
3. Sigurojnë mbrojtje shtesë kundër kancerit
Përmbajnë substancë TNF, faktorin tumor nekrozë që shkatërron qelizat e kancerit. Konsumimi i këtyre bananeve për këtë arsye mund të kontribuojë në parandalimin e kancerit.
4. Mjet i shkëlqyer në luftën kundër anemisë
Bananet janë të pasura me hekur dhe kështu paraqesin një ushqim ideal për ata që janë duke luftuar me aneminë apo mungesën aktuale të hekurit në gjak.
5. Ndihmojnë tek dhimbjet menstruale
Nivelet e larta të kaliumit te bananet me pika lehtësojnë dhimbjet menstruale dhe ngërçet. Këto banane janë të pasura me vitaminë B6, e cila redukton fryrjen dhe mbajtjen e ujit në trup gjatë ciklit menstrual
