Në Gjykatën e Krimeve të Rënda vijon procesi ndaj Emiliano Shulalzit dhe njerëzve të tij, lidhur me gjobëvëniet ndaj biznesmenëve por edhe kërcënimin e rektorit të Universitetit të Tiranës Mynyr Koni dhe paraardhësit të tij Dhori Kule. Ky proces duket se po hyn në një rrugë të vështirë dhe zbardhje e së vërtetës po rrezikohet seriozisht. Ashtu si në rastin e kërcënimit të biznesmenëve, të cilët sapo shkojnë në gjykatë thonë se “nuk e njohin Shullazin”, duket se historia po përsëritet edhe për kërcënimin e rektorëve.
Gjatë së martës në gjykatë u paraqitën disa të ashtuquajtur dëshmitarë VIP. Duke filluar nga Ministria Lindita Nikolla, për të vijuar me dy të kërcënuarit Mynyr Koni dhe Dhori Kule. Të dy kanë folur për kërcënimin që u është bërë, por kanë deklaruar se nuk mund të përcaktojnë nëse autori është Emiljano Shullazi shkruan JavaNews. Në gjykatë ka pasur amdje edhe përlpasje të dëshmive mes ministres Nikolla dhe Dhori Kules. Nikolla ka deklaruar se u vu në dijeni për kërcënimet nga ana e Kules, i cili sipas saj i ka përmendur Shullazin, por ai vetë e ka mohuar këtë gjë.
Pyetja që natyrshëm ngrihet është se kush e ka përmdnur i pari emrin e Shullazit?
Kësaj pyetjeje ndooshta ai që mund t’i japë përgjigje është ish-kryeminsitri Sali Berisha. Ai është i pari që ka përmendur në media, (duke thirrur edhe gazetarët në konferencë) kërcënimin e rektorëve duke nxjerrë edhe emrin e Shullazit. Edhe pse nuk mund të përcaktohet me saktësi koha e procedimit, të dhënat flasin se edhe vënia në lëvizje e strkturave ligjzbatuese ka nisur pas denoncimit publik të Berishës.
Pyetja që ngrihet është se kush ia përmendi Berishës emrin e Shullazit? Kush gënjen në të gjithë këtë histori?/JavaNews/a.m.
