Kryeministri Rama dhe kreu grupit parlamentar Edi Paloka kanëe qenë të parët të cilët kanë nisur debatin e pritshëm për arrestimin e Shullazit. Në aulën e parlamentit, Paloka tha se është arrestuar shefi i vërtetë i qeverisë, ndërsa në kundërpërgjigje, Kryeministri Rama tha se akuzatori (Paloka) është dënuar njëherë për shpifje pikërisht për cështjen e Shullazit. Rama ka shtuar se është absurde që PD vijon të bëjë heronj të politikës së tyre personazhet e krimit.
“Kur ky vend po shkon drejt rrënimit, por ka arritur deri në atë pikë sa krimi i shullazëve kërcënon universitetin… dhe zotit Ruçi i duket habi kjo, kjo është absurdja në këtë parlament. Nuk mund të bëjmë sikur nuk ka ndodhur asgjë, kur shefi juaj i vërtetë është futur në burg pa dijeninë e shefit tuaj të zgjedhur me referendum! Uroj që të gjithë ju të jeni të shqetësuar për këtë vend. Për këtë jemi këtu dhe jo për pallavra.”- tha Paloka.
“Nuk kisha ndërmend edhe në respekt të zonjës Jozefinë që ngriti një çështje shumë parimore, të cilën kryetari ynë i grupit vetëm sa e përforcoi.
Por nuk munda të mos e mar fjalën kur dëgjova, të dënuarin nga Gkyakat për shpifje, ekzaktësisht për këtë temë. E kam çuar këtë zotëri në gjyq pikërisht për këtë temë dhe i kam thënë provo, jotë gjitha, por një fjalë… nga ai lumë fjalësh që ke derdhur mbi këtë personazh, Shullazin. Dhe në gjyq, si një pulë, që thoshte ç’lidhje kam unë me këtë, kjo është çështje politike, mua këtë ma thënë partia, jam përfaqësues i një partie politike, partia e kishte këtë bindje dhe unë e përdora si fakt.
Nuk e kuptoj me çfarë lloj kurajoje kërkojnë ta bashkangjisin me ne!
Pyetja është shumë e thjeshtë, si ka mundësi që nuk latë hero të botës së krimit, pa e bërë hero të politikës suaj?! Si ka mundësi që nuk latë të arrestuar e të kërkuar, pa e kthyer në personazh të politikës suaj, për mirë apo për keq?! Flisni këtu sikur e arrestuat ju… kush e ka arrestuar?! Në fakt e vërteta edhe sikur të ishte kështu përsëri nuk do të ishte kundër asaj që po them unë . Në këtë rast e vërteta është më ndryshe… ndalimi është bërë nga policia e cila ka filluar procedurën pa patur një denoncim konkret por duke u nisur vetëm nga një indicie e paprovuar dhe ka kërkuar nga prokuroria për arrestim autorizim dhe e ka marrë pas mesnate kur personazhi ka qënë në qeli.
Juve jeni vitkimat e para të atij që ju ka drejtuar 25 vjet me një parim, të strukturuar nga një tjetër personazh që quhej Adolf Hitleri.. i cili thoshte do që një gënjeshtër të besohet.. bëje sa më të madhe dhe përsërite sa të mundesh… kjo është puna juaj.”- tha Rama.
