Statistikat evropiane tregojnë se Gjermania është vend shumë i ndryshëm nga vendet tjera evropiane.
Për shembull Italia, vitin e kaluar ka pranuar gjysmën e kërkesave për azil që kanë ardhur nga shqiptarët (70 nga 140 aplikantë).
Franca ka pranuar 9.5 për qind të 5840 personave nga Shqipëria që kishin fituar azil.
Në Britani 17.8 për qind. Luksemburgu, Hungaria, Finlanda dhe Holanda nuk kanë pranuar asnjë azilkërkues.
Zvicra, e cila është e njohur për referendumet kufizuese, ka pranuar 11.7 për qind të kërkesave të shqiptarëve, të cilët kërkuan statusin e azilit, 37 për qind të serbëve dhe 41 për qind të kosovarëve, raporton «Der Tagesspiegel», përcjell albinfo.ch.
Politikani i Partisë së Gjelbër në Gjermani, Volker Beck, mendon se sidomos komuniteti i romëve ka më shumë arsye për t’u larguar.
Në Serbi, sipas të gjelbërve gjermanë, jetojnë pa letra shumë romë nga Kosova.
Ndër vendet e origjinës me më së shumti kërkesa për azil në Gjermani janë pesë vendet e Ballkanit Perëndimor.
Të paktën kështu thonë statistikat për gjysmën e parë të 2015-ës. Siria figuron në krye të listës, me 34.428 kërkesa për azil. Por, tashmë në vendin e dytë figuron me 31.400 këkesa për azil Kosova, e ndjekur nga Shqipëria (22.209 këkesa) dhe Serbia (15.822). Kjo pasohet nga Iraku, Afganistani, Maqedonia, Bosnjë e Hercegovina, Eritreja dhe Nigeria.
Shkalla e pranimit për refugjatë nga vendet e Ballkanit Perëndimor është shumë e ulët në Gjermani, në mënyrë të konsiderueshme më e ulët se mesatarja e BE-së, shkruan „Der Tagesspiegel”.
