Sipas të dhënave nga Qendra Kombëtare Operacionale e Emergjencave Civile 19 vatra në Shkodër, Malësi të Madhe, Mat, Krujë, Mirditë, Vlore dhe Dibër janë shuar.
Ndërkohë po punohet për shuarjen e disa vatrave të zjarrit në Klos, në fshatin Shetaj të Durrësit, në Mal Bardh të Kurbinit.
Më problematike situata është paraqitur në një vatër zjarri në Bashkinë Shkodër, në vendin e quajtur Bjeshka e Bregut, ku flakët kanë qenë shumë problematike deri në orën 4 të mëngjesit, duke rrezikuar banesa verore (stane), bageti, bletë etj.
Është ndërhyrë nga banorët e zonës, punonjes te sherbimit pyjor dhe forcat zjarrfikëse. Situata eshte normalizuar dhe nuk ka pasur deme.
Në operacion për shuarjen e vatrave gjatë 24 orëve të fundit janë angazhuar 327 forca Operacionale, të Shërbimit të Mbrojtjes nga Zjarri dhe Shpëtimi, Forca të Armatosura, forca bashkiake, forca policore, punonjës të Administratës së Zonave të Mbrojtura, shërbimi pyjor, forca vullnetare dhe janë angazhuar 25 mjete zjarrfikëse.
/a.r
