Të gjithë nderojnë Realin… ose pothuajse. Gazetat evropiane kanë reaguar me elozhe për kampionët e Evropës, si dhe kanë shprehur admirim për finalistin e humbur, Atletico Madrid.
Por, dy sportive katalanase, Mundo Deportivo dhe Sport, “nxitojnë” të shpjegojnë se Reali fitoi falë llotarisë së penalltive, duke u përpjekur të minimizojnë meritat, madje Sport flet për padrejtësi.
Marca, gazeta e Madridit, ka nderuar të dyja skuadrat e kryeqytetit spanjoll, duke vënë në dukje edhe golin e parregullt të Realit.
Gazetat portugeze hapen natyrshëm me Cristiano Ronaldon, ashtu si dhe L’Equipe e Francës që hapet me trajnerin Zidane.
Në Itali, La Gazzetta dello Sport gjysmën e sipërme të faqes së parë ia kushton çiklistit Nibali, një zgjedhje e natyrshme në fakt. Italiani kryeson Giro d’Italia, që ndërkaq zhvillohet nën kujdesin e La Gazzetta dello Sport.
D.I.
